၂၀၁၄ ခုနှစ် ပထမလေးလအတွင်း ပြည်ပရင်းနှီးမြှုပ်နှံမှု ဒေါ်လာ သန်း ၂၂၀၀ ကျော်ရှိခဲ့ပြီး သယ်ယူပို့ဆောင်ရေးနှင့် ဆက်သွယ်ရေးကဏ္ဍတွင် အများဆုံးမြှုပ်နှံခဲ့
၂၀၁၄ ခုနှစ် ဇန်န၀ါရီလမှ ဧပြီလအထိ ပထမလေးလပတ်အတွင်း မြန်မာနိုင်ငံသို့ ပြည်ပနိုင်ငံများမှ လာရောက်ရင်းနှီးမြှုပ်နှံမှု ဒေါ်လာသန်း ၂၂၀၀ ကျော်ရှိခဲ့ပြီး သယ်ယူပို့ဆောင်ရေးနှင့် ဆက်သွယ်ရေးကဏ္ဍတွင် အများဆုံး ရင်းနှီးမြှုပ်နှံခဲ့ခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ သိရသည်။
အဆိုပါ လေးလတာကာလအတွင်း စုစုပေါင်း နိုင်ငံခြားရင်းနှီးမြှုပ်နှံမှု ပမာဏမှာ ဒေါ်လာ ၂၂၁၀ ဒသမ ၈၆၈ သန်းရှိခဲ့ပြီး ကဏ္ဍအလိုက် ရင်းနှီးမြှုပ်နှံမှု အခြေအနေမှာ ကုန်ထုတ်လုပ်မှုကဏ္ဍတွင် ဒေါ်လာ ၄၂၆ ဒသမ ၈၂၈ သန်း၊ သတ္တုတူးဖော် ရှာဖွေထုတ်လုပ်ရေး လုပ်ငန်းတွင် ဒေါ်လာ ၂၈ ဒသမ ၆၉ သန်း၊ ဟိုတယ်နှင့် ခရီးသွားလုပ်ငန်းတွင် ဒေါ်လာ ၅၆ ဒသမ ၉၇၉ သန်း၊ သယ်ယူပို့ဆောင်ရေးနှင့် ဆက်သွယ်ရေးကဏ္ဍတွင် ဒေါ်လာ ၁၃၄၉ ဒသမ ၈၄၂ သန်း၊ အိမ်ခြံမြေလုပ်ငန်းတွင် ဒေါ်လာ ၂၆၇ ဒသမ ၈၇၆ သန်း၊ မွေးမြူရေးနှင့် ရေလုပ်ငန်းတွင် ဒေါ် လာ ၆၇ သန်း၊ စိုက်ပျိုးရေးလုပ်ငန်းတွင် ဒေါ်လာ ၁၁ ဒသမ ၀၅၉ သန်း၊ အခြားဝန်ဆောင်မှု လုပ်ငန်းများတွင် ဒေါ်လာ ၂ ဒသမ ၅၉၄ သန်း အသီးသီး ၀င်ရောက်ရင်းနှီး မြှုပ်နှံကြခြင်းဖြစ်ကြောင်း သိရသည်။
မြန်မာနိုင်ငံသို့ ပြည်ပနိုင်ငံများမှ လာရောက်ရင်းနှီးမြှုပ်နှံထားသည့် ရင်းနှီးမြှုပ်နှံမှု ပမာဏမှာ ၂၀၁၄ ခုနှစ် ဧပြီလကုန်အထိ ဒေါ်လာ ၄၆၄၈၅ ဒသမ ၁၅၃ သန်း (၄၆ ဘီလျံ) ရှိကြောင်း သိရသည်။
မြန်မာနိုင်ငံ ရင်းနှီးမြှုပ်နှံမှုကော်မရှင်သည် နိုင်ငံခြား၊ နိုင်ငံသား ရင်းနှီးမြှုပ်နှံမှုများကို နိုင်ငံခြားရင်းနှီးမြှုပ်နှံမှုဥပဒေ၊ မြန်မာနိုင်ငံသား ရင်းနှီးမြှုပ်နှံမှု ဥပဒေများနှင့်အညီ စိစစ်ခွင့်ပြုပေးခဲ့ရာတွင် နိုင်ငံသားများ အလုပ်အကိုင် အခွင့်အလမ်းများ ရရှိရေးကို ဦးစားပေးအနေဖြင့် ထည့်သွင်းအကောင်အထည်ဖော်လျက်ရှိကြောင်း သိရသည်။
ကုန်ထုတ်လုပ်မှု လုပ်ငန်းများတွင် နိုင်ငံခြားရင်းနှီးမြှုပ်နှံမှုများ ၀င်ရောက်ရာ၌ လက်ခစားစနစ်ဖြင့် အထည်ချုပ်လုပ်ငန်းများ၊ စားသောက်ထုတ်လုပ်ငန်း၊ ရော်ဘာတန်ဖိုးမြှင့် ထုတ်ကုန်လုပ်ငန်း၊ အချိုရည်ထုတ်လုပ်ခြင်း၊ လယ်ယာသုံး စက်ကိရိယာများ ထုတ်လုပ်ခြင်းလုပ်ငန်းများ ပါဝင်ကြောင်း သိရသည်။
နိုင်ငံခြား ရင်းနှီးမြှုပ်နှံသူများသည် မြန်မာနိုင်ငံတွင် လာရောက်ရင်းနှီးမြှုပ်နှံရာတွင် မြန်မာနိုင်ငံ ရင်းနှီးမြှုပ်နှံမှုကော်မရှင်မှ ခွင့်ပြုမိန့်ရရှိရေးအတွက် သတ်မှတ်ထားသော အဆိုပြုလွှာ ပုံစံဖြည့်ခြင်း၊ ၎င်းအဆိုပြုလွှာကို နေပြည်တော်ရှိ မြန်မာနိုင်ငံ ရင်းနှီးမြှုပ်နှံမှုကော်မရှင် ရုံးအဖွဲ့သို့ လည်းကောင်း၊ ရန်ကုန် (ရုံးခွဲ) သို့ လည်းကောင်း သွားရောက်တင်ပြခြင်းများ ဆောင်ရွက်ရကြောင်း သိရသည်။
ပြည့်စုံသော အဆိုပြုလွှာကို နေပြည်တော်၌ အပတ်စဉ်ကျင်းပသည့် အဆိုပြုလွှာစိစစ်ရေးအဖွဲ့ (Proposal Assessment Team) အစည်းအဝေးသို့ တင်ပြဆွေးနွေးခြင်း၊ အဆိုပြုလွှာ စိစစ်ရေးအဖွဲ့အစည်းအဝေးမှ အတည်ပြုပါက အဆိုပြုချက်ကို လက်ခံကြောင်း၊ ငြင်းပယ်ကြောင်း အဆိုပြုလွှာတင်သွင်းသူထံ အကြောင်းပြန်ခြင်း၊ လက်ခံပြီးသည့် အဆိုပြုလွှာနှင့်ပတ်သက်၍ ကော်မရှင်ရုံးအဖွဲ့က သက်ဆိုင်ရာတိုင်းဒေသကြီး/ပြည်နယ်အစိုးရအဖွဲ့ သဘောထား၊ သက်ဆိုင်ရာဝန်ကြီးဌာန သဘောထားများ တောင်းခံခြင်း၊ သဘောထားမှတ်ချက် ပြည့်စုံပါက (MIC) အစည်းအဝေးသို့ အဆိုပြုချက်ကို တင်ပြဆွေးနွေးခြင်း၊ (MIC) အစည်းအဝေးမှ ခွင့်ပြုကြောင်း ဆုံးဖြတ်ပါက ရင်းနှီးမြှုပ်နှံသူထံ ခွင့်ပြုမိန့်ထုတ်ပေးကြောင်း သိရသည်။
(မြန်မာနိုင်ငံတွင် ဆက်သွယ်ရေးလုပ်ငန်းများ လုပ်ကိုင်ခွင့်ရရှိခဲ့သည့် တယ်လီနော်ကုမ္ပဏီ၏ မြန်မာပြည်ရုံးချုပ်ကို တွေ့ရစဉ်)
from Eleven Media Group's Facebook Wall http://ift.tt/1mp2SSy
Comments
Post a Comment