နိုင်ငံခြားသား ဒီဗီဘီသတင်းထောက် ပြည်နှင်ဒဏ်ပေးခံရ
အေးမြင့်စန်း| သောကြာနေ့၊ မေလ ၉ ရက် ၂၀၁၄ ခုနှစ်
လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ပြည်နှင်ဒဏ်ပေးခဲ့သည့် သြစတြေးလျနိုင်ငံသားDVB သတင်းထောက် Mr. Angus Watson ကို ထိန်းသိမ်းခံထားရနိုင်သည့် အခြေအနေမှ ကင်းလွတ်ရန် ပြည်ပသို့ထွက်ခွာနိုင်ရေး ချက်ချင်းစီစဉ်ပေးခဲ့သည်ဟု DVB ၏ ဒု- ညွှန်ကြားရေးမှူး ဦးခင်မောင်ဝင်းက မေ ၈ ရက်တွင် မဇ္ဈိမကို ပြောသည်။
“လေဆိပ်လ၀ကကိုမေးတော့ ဒီနေ့ညပို့လို့မရရင် လေဆိပ်မှာထိန်းသိမ်းဖို့နေရာ မရှိဘူးလို့ ပြောတယ်။ ဆက်ထားမယ်ဆို သတင်းထောက်ကို မြို့ထဲပြန်ခေါ်သွားပြီး အချုပ်ထဲထည့်ထားနိုင်တယ်။ ကျွန်တော်တို့ သတင်းထောက်ကလဲ အချုပ်ထဲ ဘယ်အိပ်ချင်မလဲ၊ ဒါကြောင့် အနီးဆုံးလေယာဉ်နဲ့ထွက်ခွာဖို့လုပ်တာ”ဟု ၎င်းက ပြောသည်။
၎င်းသည် ဖမ်းဆီးခံထားရသည့် DVB သတင်းထောက် ကိုဇော်ဖေလွတ်မြောက်ရေး မေ ၇ ရက် မကွေးမြို့ ဆန္ဒဖော်ထုတ်မှုကို သွားရောက်သတင်းယူစဉ် အဖမ်းခံခဲ့ရ ခြင်းဖြစ်သည်။ မကွေးတိုင်းဒေသကြီး လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာနက ဗီဇာစည်းကမ်း ချိုးဖောက်မှု (စီးပွားရေးဗီဇာကိုင်ဆောင်၍ သတင်းရယူမှု)၊ ရဲတပ်ဖွဲ့က ခွင့်ပြုချက်မရဘဲ ဆန္ဒဖော်ထုတ်မှုတို့ဖြင့် ထိန်းသိမ်းခဲ့ခြင်းဖြစ်သည်။
“ဘယ်တရားရုံးအမိန့်မှမရှိဘဲ အပြစ်ပေးတယ်။ စမ်းချောင်းလ၀ကရုံးကို ကျွန်တော်တို့မေးတယ်။ စမ်း ချောင်းလ၀ကရုံးက ပြလို့လဲမရဘူး၊ ရှိလဲမရှိဘူး။ မကွေး လ၀ကဦးစီးမှူးက လွှဲလိုက်လို့ပါ လို့သာ ပြန်ဖြေ တယ်”ဟု ဦးခင်မောင်ဝင်းက ပြောသည်။
“သံရုံးက ဘာမှဝင်လုပ်ပေးနိုင်တဲ့ အခြေအနေမရှိဘူးလို့ ပြောတယ်”ဟု ဦးခင်မောင်ဝင်းက ပြောသည်။
Mr. Angus Watson သည် ညနေ ၅ နာရီခွဲအချိန် ရန်ကုန်မှ ဘန်ကောက်သို့ ထွက်ခွာမည့်Air Asia လေယာဉ်ဖြင့် ပြည်ပသို့ ထွက်ခွာခဲ့သည်။DVBသတင်း ဌာနသည် အဆိုပါဖြစ်စဉ်ကို စုံစမ်းဖော်ထုတ်မှုများ ဆက်လက်ပြုလုပ်သွားမည်ဟု ဒုတိယညွှန်ကြားရေးမှူးက ပြောသည်။
ပြန်ကြားရေးဝန်ကြီးဌာန ဒု-၀န်ကြီး ဦးရဲထွဋ်က လူဝင်မှုကြီးကြပ်ရေးအက်ဥပဒေ ပုဒ်မ-၂ ဖြင့် ပြည်နှင် ဒဏ်ပေးခြင်းဟု ဆိုသည်။ ယခုနှစ်အတွင်း ဧပြီ ၃၀ ရက်အထိ DVBသတင်းထောက်လေးဦးကို တရားဝင် ခွင့်ပြုထားသည်ဟု ပြောသည်။
“အဲဒီစာရင်းထဲမှာ အဲဒီနိုင်ငံခြားသား မပါဝင်ပါဘူး”ဟု ဦးရဲထွဋ်က ပြောသည်။ Mr. Angus Watson သည် မြန်မာနိုင်ငံသို့ ဧပြီ ၂၇ ရက်မှ စတင်ဝင်ရောက်ခဲ့သည်။
from Mizzima - News in Burmese's Facebook Wall http://ift.tt/1l4sgvD
Comments
Post a Comment