ပဋိပက္ခကြောင့် မစိုက်ပျိုးနိုင်သည့် လယ်မြေဧက လေးရာကျော် ပြန်စိုက်နိုင်ရန် အစိုးရ...

ပဋိပက္ခကြောင့် မစိုက်ပျိုးနိုင်သည့် လယ်မြေဧက လေးရာကျော် ပြန်စိုက်နိုင်ရန် အစိုးရ ထောက်ပံ့မည်



ရန်ကုန်၊ မေ ၂၅



ရခိုင်ပြည်နယ် စစ်တွေမြို့နယ်တွင် ပဋိပက္ခများကြောင့် မစိုက်ပျိုးနိုင်သည့် လယ်မြေဧက လေးရာကျော် ပြန်လည် စိုက်ပျိုးနိုင်ရန် လယ်သမားများကို မျိုးစပါး၊ ဓာတ်မြေသြဇာ၊ စက်သုံးဆီများကို အစိုးရက ဇွန်လ ပထမပတ်မှ စတင်ကာ အခမဲ့ ဖြန့်ဖြူးပေးသွားမည် ဖြစ်ကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနမှ တာဝန်ရှိသူတစ်ဦးက ပြောကြားသည်။



စစ်တွေမြို့နယ် အနောက်စံပြ ရပ်ကွက်တွင် ၂၃ ဧက၊ လေယာဉ်ကွင်း အနီးတွင် ဧက ၃၀၊ သင်းကနက်ကျေးရွာ အုပ်စု ဧက ၂၀၀ နှင့် ဘုမေကျေးရွာအုပ်စု ဧက ၁၉၇ စုစုပေါင်း ဧက ၄၅၀ ဧကတို့မှာ ပဋိပက္ခကြောင့် မစိုက်ပျိုးနိုင်သည့် လယ်မြေများအဖြစ် သတ်မှတ်ထားပြီး ယင်းလယ်မြေများ ပြန်လုပ်ကိုင်နိုင်ရန် ထောက်ပံ့ခြင်း ဖြစ်ကြောင်း၊ မစိုက်ပျိုးနိုင်ဘဲ ပဋိပက္ခ လယ်မြေအဖြစ် သတ်မှတ်ခံထားရသည့် လယ်မြေဧက ၄၅၀ ၏ ဧက ၄၀၀ ခန့်မှာ ဘင်္ဂါလီများ၏ လယ်ယာမြေများ ဖြစ်ပြီး ရခိုင်တိုင်းရင်းသားများ၏ လယ်မြေဧက ၅၀ ခန့်သာ ပါဝင်ကြောင်း ၎င်းကဆိုသည်။



တစ်ဧကကို မျိုးစပါး နှစ်တင်း၊ ဓာတ်မြေသြဇာ တစ်အိတ်၊ စက်သုံးဆီ ၅ ဂါလန်နှုန်းထား အခမဲ့ ထုတ်ပေးသွားမည် ဖြစ်ကြောင်း စစ်တွေမြို့နယ် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ရုံးမှ တာဝန်ရှိသူတစ်ဦးက ပြောကြားသည်။



ပဋိပက္ခဒဏ်ကြောင့် စစ်တွေမြို့တွင် ရခိုင်ဒုက္ခသည် အိမ်ထောင်စု ရှစ်ရာကျော်၊ ဟိန္ဒူနှင့် မာရာမာကြီး အိမ်ထောင်စု ၇၀ ကျော်၊ ဘင်္ဂါလီလူဦးရေ တစ်သိန်းကျော် ဒုက္ခရောက်ခဲ့ရကြောင်း စစ်တွေမြို့ လူမှုကူညီရေးအဖွဲ့များ အဆိုအရ သိရသည်။



“ရခိုင် ဒုက္ခသည် ၇၀၀ ကိုတော့ အစိုးရက ဆတ်ရိုးကျ (စစ်တွေမြို့အနီးရှိ ချောင်း) တစ်ဖက်က အိမ်တွေ ဆောက်ပေးထားပါတယ်။ အိမ်ထောင်စု ၁၂၀ က ဒုက္ခသည်စခန်းမှာပဲ ရှိသေးတယ်” ဟု စစ်တွေမြို့ ရခိုင်အမျိုးသားပါတီ (ANP) မှ ဘဏ္ဍာရေး တာဝန်ခံ ဦးထွန်းအောင်သိန်းက ဆိုသည်။



အစိုးရသစ် လက်ထက်တွင် ရခိုင်ပြည်နယ်၌ ၂၀၁၂ ခုနှစ် ဇွန်လမှ ယနေ့အထိ ပဋိပက္ခ သုံးကြိမ်ထက်မနည်း ဖြစ်ပွားခဲ့သည်။



(ခင်မောင်အေး)







from The Voice Weekly's Facebook Wall http://ift.tt/1jPmaQm