ချင်းပြည်နယ်တွင် မသန်စွမ်းဖွံ့ဖြိုးရေး စီမံကိန်း ပထမဆုံးအကြိမ်လုပ်မည်
ယုဝေ| သောကြာနေ့၊ မေလ ၃၀ ရက်၊ ၂၀၁၄ခုနှစ်
မသန်စွမ်းဖွံ့ဖြိုးရေးစီမံကိန်းကို ချင်းပြည်နယ်တွင် ပထမဆုံးအကြိမ်အဖြစ် နှစ်နှစ်စီမံချက်ပြုလုပ်မည်ဟု စီမံကိန်းပြုလုပ်မည့် ဧဒင်မသန်စွမ်းသက်ငယ်များပြုစုရာ ရိပ်မြုံကျောင်းအုပ် ဦးထာအုပ်က ပြောသည်။
ချင်းပြည်နယ်ရှိ ဟားခါးနှင့် ထန်တလန်မြို့များရှိ ကျေးရွာပေါင်း ၃၀ တွင် ယင်းစီမံကိန်းကိုပြုလုပ်မည်ဖြစ်ပြီး စီမံကိန်း ရှေ့ပြေးအဖြစ် မသန်စွမ်းဦးရေနှင့် ပတ်သက်သည့်စစ်တမ်းတစ်ခု ကောက်ယူမည် ဖြစ်သည်။
စစ်တမ်းကို မေလစတုတ္တပတ်မှ စတင်ကောက်ယူနေပြီး စစ်တမ်းကာလမှာ နှစ် ပတ်ခန့်ကြာမည်ဖြစ်သည်။
“ရွာတွေမှာ စစ်တမ်းကောက်မှာပါ။ ပြီးတော့ ကျွန်တော်တို့ အကူအညီပေးနိုင်မယ့် မသန်စွမ်းတွေရှိတဲ့ ရွာတွေကို ရွေးပြီးတော့ စီမံကိန်းကိုလုပ်သွားမှာပါ” ဟု ဦးထာအုပ်က ပြောသည်။
စီမံကိန်းတွင် မသန်စွမ်းများအတွက် လိုအပ်သည့် ကူညီထောက်ပံမှုများ ပေးအပ်ခြင်း၊ မသန်စွမ်းနှင့် ပတ်သက်သည့် လူထုဟောပြောပွဲများပြုလုပ်ခြင်း၊ စီမံကိန်းအဖွဲ့ဝင်များမှ သွားရောက်ပြုစုခြင်း၊ မသန်စွမ်းများကို အခြေခံပြုစုပေးနိုင်ရန် လုပ်အားပေးအဖွဲ့များဖွဲ့စည်းခြင်း၊ လုပ်အားပေးအဖွဲ့များကို မသန်စွမ်းနှင့် ပတ်သက်သည့် ဗဟုသုတများ သင်တန်းပေးခြင်း တို့ပြုလုပ်သွားမည်ဖြစ်သည်။
from Mizzima - News in Burmese's Facebook Wall http://ift.tt/1k6pIPE
Comments
Post a Comment