မက်ဆာချူးဆက် နည်းပညာတက္ကသိုလ်နှင့် အော်ရီဒူး ပူးပေါင်း၍ သုတေသန လုပ်မည် ရန်ကုန်၊...

မက်ဆာချူးဆက် နည်းပညာတက္ကသိုလ်နှင့် အော်ရီဒူး ပူးပေါင်း၍ သုတေသန လုပ်မည်



ရန်ကုန်၊ မေ ၂၂



အမေရိကန်ပြည်ထောင်စုမှ နာမည်ကျော် မက်ဆာချူးဆက် နည်းပညာတက္ကသိုလ် (MIT-Massachusetts Institute of Technology) သုတေသနဌာန (MIT Media Lab) နှင့် အော်ရီဒူးတို့ သုတေသန လုပ်ငန်းများ ပူးပေါင်း ဆောင်ရွက်မည် ဖြစ်ကြောင်း အော်ရီဒူးမြန်မာမှ အမှုဆောင်အရာရှိချုပ် Mr.Ross Cormack က ပြောကြားသည်။



“MIT Media Lab နဲ့ ပူးပေါင်း ဆောင်ရွက်လိုက်တာကြောင့် သူတို့ရဲ့ ဆန်းသစ် တီထွင်မှုတွေကို အသုံးချနိုင်မှာပါ” ဟု ၎င်းကဆိုသည်။



အော်ရီဒူးမြန်မာသည် MIT Media Lab နှင့် ပူးပေါင်းမည် ဖြစ်သည့်အတွက် ၎င်းတို့၏ အဖွဲ့ဝင် ၇၀ ကျော်တွင် အဖွဲ့ဝင် လုပ်ငန်းတစ်ခု ဖြစ်လာမည် ဖြစ်ကြောင်း MIT ထံမှ သိရသည်။



“MIT Media Lab က ကမ္ဘာပေါ်မှာ အသုံးဝင်တဲ့ နည်းပညာတွေ တီထွင်နေတဲ့ နေရာပဲ။ ဆက်သွယ်ရေး နည်းပညာဆိုင်ရာ တီထွင်မှုတွေအပြင် မြန်မာကျောင်းသားတွေ အတွက်လည်း ပါဝင် ဆောင်ရွက်နိုင်မယ့် အခွင့်အလမ်းတွေ ဖန်တီးပေးရင် ပိုကောင်းတာပေါ့” ဟု မြန်မာ့ဆက်သွယ်ရေး လုပ်ငန်းမှ အကြီးတန်း အင်ဂျင်နီယာတစ်ဦးက ဆိုသည်။



MIT Media Lab တွင် ICT၊ လျှပ်စစ်ပစ္စည်း၊ ဖျော်ဖြေရေး၊ ကျန်းမာရေးနှင့် ဆက်သွယ်ရေး စသည့် နယ်ပယ်ပေါင်းစုံမှ အဖွဲ့ဝင် ၇၀ ကျော် ပါဝင်ပြီး သုတေသန အဖွဲ့ပေါင်း ၂၅ ခု ဖွဲ့စည်းထားသည်။



၁၈၆၁ ခုနှစ်တွင် စတင် တည်ထောင်ခဲ့သည့် မက်ဆာချူးဆက် နည်းပညာတက္ကသိုလ်သည် ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအာနန်၊ အစ္စရေး ဝန်ကြီးချုပ်ဟောင်း နေတန်ညာဟု၊ HP ကွန်ပျူတာကုမ္ပဏီ ပူးတွဲတည်ထောင်သူ ဝီလီယံဟျူးလက်၊ Ethernet နည်းပညာကို ပူးတွဲဖန်တီးသူ ရောဘတ်မက်ကယ်ဖီ၊ စီးပွားရေးပညာရှင် ဂျိုးဇက်စတစ်ဂလစ် စသည့် ကမ္ဘာကျော်ပညာရှင် အများအပြား မွေးထုတ်ခဲ့သည့် တက္ကသိုလ်တစ်ခု ဖြစ်သည်။

from The Voice Weekly's Facebook Wall http://ift.tt/Rgn6lc