လက်ပံတောင်းတောင် စီမံကိန်းရှိ လုံခြုံရေးရဲကားများ ဖျက်ဆီးမှုဒေသခံများကို အမှုဖွင့်လိုက်ပြီ
ကိုတိုးကြီး| ဗုဒ္ဓဟူးနေ့၊ မေလ ၂၁ ရက် ၂၀၁၄ ခုနှစ်
လက်ပံတောင်းတောင် ကြေးနီစီမံကိန်းတွင် လုံခြုံရေးတာဝန်ထမ်းဆောင်လျက်ရှိသော ရဲတပ်ဖွဲ့ပိုင်ကားများနှင့် အထွေထွေအုပ်ချုပ်ရေးဌာနပိုင်ကားများဖျက် ဆီးခံရခြင်းအပေါ် ဆားလင်းကြီးမြို့မရဲစခန်းက မေလ ၁၉ ရက်တွင် အမှုဖွင့်လိုက်ပြီဖြစ်ကြောင်း စစ်ကိုင်းတိုင်း ရဲတပ်ဖွဲ့မှူးရုံးမှ တာဝန်ရှိသူတစ်ဦးက ထုတ်ဖော် ပြောဆိုလိုက်သည်။
စစ်ကိုင်းတိုင်း၊ ယင်းမာပင်ခရိုင်၊ ဆားလင်းကြီး မြို့နယ်၊ ကျောက်ဖြူတိုင်ကျေးရွာရှိ စာသင်ကျောင်းဝင်း အတွင်း မေလ ၁၈ ရက် ည ၁၀ နာရီခန့်က လက်ပံ တောင်းတောင်ကြေးနီစီမံကိန်း လုံခြုံရေးရဲတပ်ဖွဲ့နှင့် ထွေအုပ်ဌာနမှ ရပ်နားထားခဲ့သည့် ကားငါးစီးအား ဒေသခံရွာသူ/သား လူအင်အား(၅၀)ကျော်ခန့်က ဖျက်စီးခဲ့သည်ဟုဆိုကာ ညောင်ပင်ကြီးနယ်မြေရဲကင်း စခန်းမှူး ရဲအုပ်မျိုးညွန့်ဦးက တရားလိုပြုလုပ်၍ ရဲစခန်းသို့ တိုင်တန်းခဲ့ခြင်းဖြစ်သည်။
မေလ ၁၈ ရက် ညကဖြစ်ပွားခဲ့သည့် ပဋိပက္ခကြောင့် လုံခြုံရေးရဲ နှစ်ဦး ဒဏ်ရာရရှိခဲ့သည့်အပြင် လုံခြုံရေး ကား ငါးစီးနှင့် ဆိုင်ကယ် ၁၂ စီး ပျက်စီးခဲ့ကြောင်းလည်း တိုင်းရဲတပ်ဖွဲ့က ထုတ်ပြန်ထားသည်။
ပဋိပက္ခမဖြစ်မီ နံနက်ပိုင်းတွင် လက်ပံတောင်းတောင် စီမံကိန်းနယ်မြေအတွင်းရှိ လယ်ယာမြေ လျော် ကြေးရယူထားခြင်းမရှိသည့်နေရာအတွင်း စီမံကိန်းမှ တရုတ်အမျိုးသားဝန်ထမ်းနှစ်ဦးက ခြံစည်းရိုးခတ်ရန် စီစဉ်သည်ဟုဆိုကာ အဆိုပါ ၀န်ထမ်းများနှင့် မြန်မာ အမျိုးသားယာဉ်မောင်းတစ်ဦးကို ဆည်တည်းရွာဒေ သ ခံများက ဖမ်းဆီးထိန်းသိမ်းခဲ့သည်။
ယင်းနှင့်ပတ်သက်၍ တိုင်းအစိုးရအဖွဲ့က ညှိနှိုင်းမှု ပြုလုပ်ရာ ဒေသခံများက ဖမ်းဆီးထားသူများကို မေလ ၁၉ ရက် ညပိုင်းတွင် ပြန်လွှတ်ပေးခဲ့သည်။
လက်ရှိတွင် တိုင်တန်းချက်အား ဆားလင်းကြီးမြို့၊ ရဲစခန်းက(ပ) ၇၈/၂၀၁၄၊(၁၉၇၄)ခုနှစ် ပြည် သူပိုင် ပစ္စည်းထိန်းသိမ်းစောင့်ရှောက်ရေးအက်ဥပဒေ ပုဒ်မ၆(၁)အရ အမှုအားလက်ခံထားသည်။
from Mizzima - News in Burmese's Facebook Wall http://ift.tt/1jBDUzN
Comments
Post a Comment