လှည်းကူးမြို့နယ် တပ်ပိုင်နယ်မြေမှ ဖယ်ရှားခံရသူ အိမ်ထောင်စု ၈၀ DKBA ထိန်းချုပ်နယ်မြေသို့ ပြောင်းရွှေ့မည်

ရန်ကုန်၊ ဧပြီ ၁တပ်ပိုင်နယ်မြေအတွင်း ကျူးကျော် နေထိုင်သည်ဟုဆိုကာ သက်ဆိုင်ရာက အင်အားသုံး ဖယ်ရှားခံခဲ့ရသော သမီးကလေးကျေးရွာ အပါအဝင် ကျေးရွာသုံးရွာနေသူ လူဦးရေ ၇၀၀ အနက် လူဦးရေ ၂၀၀ ကျော်ခန့်က ဧပြီလ ၂ ရက် (ယနေ့) နံနက် ၄ နာရီတွင် ပဲခူးတိုင်းဒေသကြီးရှိ အောင်သိဒ္ဓိ ကျောင်းတိုက်မှ ဒီမိုကရေစီ အကျိုးပြု ကရင်အမျိုးသား တပ်မတော် (DKBA) ထိန်းချုပ်နယ်မြေသို့ လိုက်ပါ ပြောင်းရွှေ့မည် ဖြစ်ကြောင်း အဆိုပါကျေးရွာ နေထိုင်သူများထံမှ သိရှိရသည်။

အဆိုပါ ဖယ်ရှားခံရသူများကို ကရင်ပြည်နယ် မြဝတီမြို့ အနီးရှိ ကျောက်ခတ်ကျေးရွာတွင် နေရာချထားပေးရန် DKBA က စီစဉ်ထားပြီး လိုက်ပါ ပြောင်းရွှေ့လိုသော အိမ်ထောင်စု ၈၀၊ လူဦးရေ ၂၀၂ ဦးကို ဧပြီလ ၂ ရက် နံနက်ပိုင်းတွင် ကရင်ပြည်နယ်သို့ ခေါ်ဆောင်သွားရန် ၁၂ ဘီးယာဉ် လေးစီးဖြင့် အောင်သိဒ္ဓိ ကျောင်းတိုက်သို့ ဧပြီလ ၁ ရက်နေ့ ညနေပိုင်းက ရောက်ရှိနေကြောင်း DKBA မှ ဗျူဟာမှူး ဗိုလ်မှူးကြီး စောစန်းအောင်က ပြောကြားသည်။



“ပထမလိုက်မယ့် လူစာရင်းက သုံးရာနီးပါး ရှိတယ်။ လာခေါ်တဲ့အချိန်မှာ တချို့မိသားစုဝင်တွေက အိမ်ထောင်ဦးစီးတွေက အရင်လိုက်ပြီး အိမ်ဆောက်၊ အလုပ်အကိုင်ရှာပြီး အခြေကျမှ ကျန်မိသားစုဝင်တွေကို ပြန်လာခေါ်မှာ ဖြစ်တာကြောင့် ခုလို လူနည်းသွားတာပါ” ဟု အောင်သိဒ္ဓိ ကျောင်းထိုင် ဆရာတော် အရှင်အဂ္ဂဓမ္မက မိန့်ကြားသည်။



ကျေးရွာ ဖယ်ရှားခံရသူများ၏ နေစရာမရှိဘဲ ဒုက္ခရောက်နေသော ဘဝကို စာနာသောကြောင့် နေစရာမြေနှင့် အိမ်များ ဆောက်လုပ်ရန်ကူညီ ဆောင်ရွက်ပေးမည် ဖြစ်ပြီး လုပ်ကိုင်ရှာဖွေ စားသောက်ရန်အတွက် အလုပ်အကိုင် အခွင့်အလမ်းများကို ကရင်ပြည်နယ်ရှိ ဒေသခံပြည်သူများ၊ ပါတီများနှင့် ပူးပေါင်းကာ DKBA က ဆောင်ရွက်ပေးသွားမည် ဖြစ်ကြောင်း ယင်းတပ်မတော်မှ ဗိုလ်မှူးကြီး စောစန်းအောင်က ရှင်းပြသည်။



“ပထမတစ်ကြိမ် လာခေါ်တုန်းက မွေးရပ်မြေကို မခွဲနိုင်လို့ သူတို့ မလိုက်ခဲ့ဘူး။ ခုတစ်ကြိမ် ကာယကံရှင်တွေ ကိုယ်တိုင်က လိုက်ပါ ပြောင်းရွှေ့ချင်တယ်လို့ အကြောင်းကြားတာကြောင့် လာခေါ်တာ။ လူသားချင်းဘဝကို စာနာလို့ ကူညီတာပါ။ DKBA တပ်သားအဖြစ် စုဆောင်းဖို့အတွက် ကူညီတာ မဟုတ်ပါဘူး” ဟု ၎င်းကဆိုသည်။



လှည်းကူးမြို့နယ်တွင် ဖယ်ရှားခံရသော ကျေးရွာပေါင်း ခြောက်ရွာမှ မိသားစုဝင်များကို DKBA ထိန်းချုပ်နယ်မြေအတွင်း နေထိုင်လိုပါက ခေါ်ဆောင်သွားမည် ဖြစ်သော်လည်း သမီးကလေးကျေးရွာ၊ ဒေါ်ကာလီကျေးရွာနှင့် အင်းပတီးကျေးရွာတို့မှ မိသားစုဝင်များ လိုက်ပါပြောင်းရွှေ့ပြီး ကျန်ကျေးရွာများမှ လိုက်ပါပြောင်းရွှေ့သူ မရှိကြောင်း အောင်သိဒ္ဓိကျောင်းထိုင် ဆရာတော်က မိန့်ကြားသည်။



“ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ပေးတဲ့မြေနေရာက အဆင်မပြေတာကြောင့် ကရင်ပြည်နယ်ကို လိုက်သွားမှာပါ။ အဲဒီမှာက နေရေးစားရေးအတွက် အဆင်ပြေအောင် ကူညီပေးမယ်လို့ DKBA က ပြောသလို ပြောင်းရွှေ့မယ့် နေရာကိုလည်း လိုက်သွားပြီး သွားကြည့်တော့လည်း လုပ်ကိုင် ရှာဖွေတတ်တဲ့ အလုပ်မျိုးတွေ ရှိတာကြောင့် လိုက်သွားဖို့ ဆုံးဖြတ်ခဲ့တာ” ဟု သမီးကလေးကျေးရွာမှ အသက် ၃၅ နှစ်အရွယ်ရှိ အမျိုးသမီးတစ်ဦးက ပြောကြားသည်။



ဖေဖော်ဝါရီလ ၄ ရက်နေ့မှစ၍ လှည်းကူးမြို့နယ် အတွင်းရှိ တပ်ပိုင်မြေများတွင် ကျူးကျော် နေထိုင်သည်ဟုဆိုကာ သက်ဆိုင်ရာက အင်အားသုံး ဖယ်ရှားခဲ့သော ကျေးရွာခြောက်ရွာမှ လူဦးရေ တစ်ထောင်ခန့်မှာ နေစရာ မရှိသောကြောင့် ဘုန်းကြီးကျောင်းနှင့် ကျူတောများတွင် ယာယီတဲများထိုးကာ နေထိုင်လျက် ရှိကြောင်း အဆိုပါ ဖယ်ရှားခံ ကျေးရွာသူရွာသားများထံမှ သိရှိရသည်။

{fcomment}

from Voice http://ift.tt/1pIxgaS