လှည်းကူး ပဋိပက္ခကြောင့် ရဲအင်အား ၃၀၀ခန့် လုံခြုံရေးချထားရ
မဇ္ဈိမသတင်းဌာန
ရန်ကုန်(မဇ္ဈိမ)
ဧပြီလ ၄ ရက် ညနေပိုင်းက ရန်ကုန်တိုင်း၊ လှည်းကူးမြို့တွင် ခိုက်ရန်ဖြစ်ပွားရာမှအစပြုပြီး လူအုပ်စုများက ဆူပူခဲ့ကြပြီးနောက် လက်ရှိအခြေအနေမှာ တည်ငြိမ်နေသော်လည်း ရဲအင်အား ၃၀၀ ခန့် လုံခြုံရေးချထားရသည် ဟု လှည်းကူးမြို့နယ် ရဲမှူးခင်မြင့်က မဇ္ဈိမကိုပြောသည်။
“ဒီနေ့ အခြေအနေကတော့ အေးအေးဆေးဆေးပါပဲ။ ရဲအင်အားကတော့ နှစ်ရာကျော် သုံးရာလောက် ချထားရတယ်” ဟု မြို့နယ်ရဲမှူးက ဧပြီလ ၅ ရက် နံနက် ၁၀နာရီ ၅၀မိနစ်တွင် ပြောခြင်းဖြစ်သည်။
လှည်းကူးမြို့နယ်၊ ဈေးကြီးရပ်ကွက်ရှိ ဗန်ဒါလမ်းဈေးကြီးအတွင်း စကားများရန်ဖြစ်ရာမှ ကတ်ကြေးဖြင့်ထိုးသဖြ င့် မကျေနပ်သူ ရာပေါင်းများစွာတို့က ခဲများဖြင့် ပစ်ပေါက်သည့် အကြမ်းဖက်မှုများဖြစ်ပေါ်ခဲ့သည်။
ထိုသို့ ဖြစ်ပွားခဲ့မှုကြောင့် လှည်းကူးမြို့တွင် မနက် ခြောက်နာရီမှ ည ခြောက်နာရီထိ အပြင်မထွက်ရန် အာဏာပိုင်တို့က အမိန့်ထုတ်ထားရသည်။
“လုံခြုံရေးတွေကတော့ ဟိုတစ်စု၊ ဒီတစ်စုနဲ့ အများကြီးပဲ။ လူတွေက တော့ သိပ်မတွေ့ဘူး။ တစ်ချို့ ဆိုင်တွေလ လည်းပိတ်ထားကြတယ်” ဟု မြို့ခံအမျိုးသမီးတစ်ဦးက ဧပြီလ ၅ ရက် မနက် လှည်းကူးမြို့မြင်ကွင်းကို ပြောပြသည်။
(ဓါတ်ပုံ - အီးပီအေ)
from Mizzima - News in Burmese's Facebook Wall http://ift.tt/1q35i85
Comments
Post a Comment