ဧပြီလအတွက် မြန်မာ့ခရီးသွား လမ်းညွှန်မြေပုံစောင်ရေ သုံးသောင်း သင်္ကြန်မတိုင်မီ အခမဲ့...

ဧပြီလအတွက် မြန်မာ့ခရီးသွား လမ်းညွှန်မြေပုံစောင်ရေ သုံးသောင်း သင်္ကြန်မတိုင်မီ အခမဲ့ယူနိုင်မည်



ရန်ကုန်၊ ဧပြီ ၂



နိုင်ငံခြားသား ခရီးသွားများနှင့် ပြည်တွင်းခရီးသွားများ မြန်မာနိုင်ငံတွင် ခရီးသွားရာ၌ အဆင်ပြေစွာ သွားလာနိုင်ရန် ရည်ရွယ်၍ Design Printing Services ကုမ္ပဏီက လစဉ် မြန်မာ့ခရီးသွားလမ်းညွှန် မြေပုံစောင်ရေ သုံးသောင်းကို အခမဲ့ ဖြန့်ချိလျက်ရှိရာ ဧပြီလအတွက် မြန်မာ့ခရီးသွားလမ်းညွှန် မြေပုံစောင်ရေ သုံးသောင်းကို သင်္ကြန်မတိုင်မီ အခမဲ့ရယူနိုင်မည် ဖြစ်ကြောင်း ယင်းကုမ္ပဏီ၏ အချက်အလက် မန်နေဂျာ ဒေါ်ခိုင်သီရိအောင်က ပြောကြားသည်။



ကုမ္ပဏီက ဖြန့်ချိသည့် မြန်မာ့ခရီးသွား လမ်းညွှန်မြေပုံ (TMM-၃၈) ကို ဟိုတယ်များ၊ ခရီးသွားလုပ်ငန်းများနှင့် သက်ဆိုင်သော လုပ်ငန်းများ၊ ဧည့်လမ်းညွှန်များအနေနှင့် ကုမ္ပဏီ မှတ်ပုံတင်မိတ္တူနှင့် ကိုယ်စားလှယ် လွှဲစာဖြင့် မြန်မာ့ခရီးသွားလုပ်ငန်း (ဆူးလေ) နှင့် Design Printing Services (D.P.S) တွင် ရုံးချိန်အတွင်း အခမဲ့ ထုတ်ပေးခဲ့ပြီး ဧပြီလအတွက် မြန်မာ့ခရီးသွား လမ်းညွှန်မြေပုံ (TMM- ၃၉) ကို သင်္ကြန်မတိုင်မီ အခမဲ့ ထုတ်ပေးသွားမည် ဖြစ်ကြောင်း ၎င်းက ဆက်လက် ပြောကြားသည်။



“တစ်လနဲ့တစ်လ ဒီဇိုင်းနဲ့ အချက်အလက် မတူဘူး။ အပြောင်းအလဲ အမြဲရှိတယ်” ဟု ဒေါ်ခိုင်သီရိအောင်က ဆို သည်။



မြန်မာ့ခရီးသွား လမ်းညွှန်မြေပုံတွင် မြန်မာပြည် အသေးစိတ်မြေပုံ၊ ရန်ကုန်၊ မန္တလေး၊ ပြင်ဦးလွင်၊ ပုဂံ၊ မြောက်ဦး၊ တောင်ကြီး၊ အင်းလေး၊ ကျိုက်ထီးရိုး၊ ငပလီ၊ ငွေဆောင်နှင့် ချောင်းသာ မြေပုံများကို ထည့်သွင်းထားသည့် အတွက် အဆိုပါ နေရာများကို အချိန်ကုန် သက်သာစွာဖြင့် သွားရောက်နိုင်ရန် ရည်ရွယ်ကြောင်း ဒေါ်ခိုင်သီရိအောင်က ဆိုသည်။



မြန်မာ့ခရီးသွား လမ်းညွှန်မြေပုံသည် ဧည့်လမ်းညွှန် စတင်လုပ်ကိုင်မည့် သူများနှင့် လက်ရှိ လုပ်ကိုင်နေသူများ အတွက် အသုံးဝင်ကြောင်း၊ နေရာဌာနကို ကြည့်၍ အချိန်ကို စီမံခန့်ခွဲနိုင်ရန်အတွက် အဆင်ပြေကြောင်း ငှက်ကြည့် (Bird Guide) အင်္ဂလိပ်ဧည့်လမ်းညွှန် ကိုရဲက ပြောကြားသည်။



“တကယ်အသုံးဝင်တဲ့ လူတွေဆီကို ရောက်စေချင်တယ်။ ဘယ်လိုထုတ်လို့ ရမယ်၊ ဘယ်မှာ ထုတ်လို့ရမယ်ကို သေချာမသိကြဘူး ဖြစ်နေတယ်။ ကျွန်တော်တောင် သွားမထုတ်ဖြစ်တာ ကြာပြီ” ဟု ၎င်းက ပြောကြားသည်။



ယင်းမြေပုံများကို နိုင်ငံတကာတွင် ကျင်းပလျက် ရှိသည့် ခရီးသွားပြပွဲများ၊ နိုင်ငံတကာနှင့် မြန်မာနိုင်ငံရှိ သံရုံးများကို ဖြန့်ချိပေးကြောင်း၊ မြန်မာနိုင်ငံတွင်းကို ဝင်ရောက်သော ဝင်ပေါက်များ ဖြစ်သည် ရန်ကုန်၊ မန္တလေး၊ ပုဂံ၊ ညောင်ဦး လေဆိပ်များတွင် ခရီးသွားများကိုလည်း နေ့စဉ် ဝေငှပေးလျက် ရှိကြောင်း Design Printing Services ကုမ္ပဏီထံမှ သိရှိရသည်။



၁၉၉၅ ခုနှစ်မှစ၍ Design Printing Services ကုမ္ပဏီသည် Tourist Guide Map အမျိုးမျိုးကို ထုတ်ဝေခဲ့ရာ မြေပုံပေါင်း ၂၂ သိန်း ၂ သောင်း ပုံနှိပ်ဖြန့်ချိပြီး ဖြစ်ပြီး ယခင်က ခြောက်လလျှင် တစ်ကြိမ် မြေပုံများကို ပုံနှိပ်ဖြန့်ချိခဲ့ပြီး ၂၀၁၃ နှစ်မှစ၍ တစ်လ တစ်ကြိမ် ပုံနှိပ်ဖြန့်ချိလျက် ရှိသည်။





from The Voice Weekly's Facebook Wall http://ift.tt/1pSdpWR