ရန်ကုန်၊ နေပြည်တော်နှင့် မန္တလေး၌ မိုးများ စတင်ရွာသွန်း နေပြည်တော်၊ ဧပြီ ၂၆ နေ့...

ရန်ကုန်၊ နေပြည်တော်နှင့် မန္တလေး၌ မိုးများ စတင်ရွာသွန်း



နေပြည်တော်၊ ဧပြီ ၂၆



နေ့အပူချိန် မြင့်မားမှုဒဏ်ကို တွေ့ကြုံနေရသော မြန်မာနိုင်ငံအလယ်ပိုင်း မန္တလေး၊ အစိုးရအဖွဲ့ ရုံးစိုက်ရာ နေပြည်တော်နှင့် ရန်ကုန်မြို့တော်တို့တွင် ဧပြီ ၂၆ ရက်နေ့က မိုးများ စတင် ရွာသွန်းခဲ့ပြီး တစ်ပတ်အတွင်း ဆက်လက် ရွာသွန်းနိုင်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောကြားသည်။



နေပြည်တော် ကောင်စီနယ်မြေ မိုးရွာသွန်းခြင်းတွင် မိုးသီးကြွေကျမှု မရှိသော်လည်း ရခိုင်ပြည်နယ် တောင်ကုတ်မြို့၊ မန္တလေးတိုင်း ပြင်ဦးလွင်မြို့နှင့် မိုးကုတ်မြို့နယ်များတွင် မိုးသီးကြွေကျမှုများ ဖြစ်ပေါ်ခဲ့ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနသို့ ပေးပို့ထားသော သတင်းအချက်အလက်များအရ သိရသည်။



ရန်ကုန်မြို့တော်တွင် ဧပြီ ၂၆ ရက်နေ့ ညနေပိုင်းက ဗဟန်း၊ တာမွေစသော မြိုနယ်များတွင် မိုးရွာသွန်းခဲ့ကြောင်း မြိုခံများထံမှ သိရသည်။ အလားတူ မန္တလေးမြို့တွင် ဧပြီ ၂၆ ရက်နေ့ နံနက် ၃ နာရီခန့်က မိုးရွာသွန်းခဲ့သည်။



နေ့အပူချိန် မြင့်တက်ကာ ခရမ်းလွန်ရောင်ခြည် ကျရောက်မှု ညွှန်းကိန်းများ လွန်ကဲနေသည့် ရန်ကုန်မြို့တော် အပါအဝင် တိုင်းဒေသကြီးနှင့် ပြည်နယ် ခြောက်ခုတွင် ဧပြီလ နောက်ဆုံးပတ်အတွင်း မိုးကြိုမိုး စတင် ရွာသွန်းမည် ဖြစ်ကြောင်း မိုးလေဝသပညာရှင် ဒေါက်တာထွန်းလွင်က ပြောကြားထားသည်။



ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ဧပြီလ နောက်ဆုံးပတ်အတွင်း မိုးကြိုမိုး ရွာသွန်းမည်ဖြစ်ရာ လေပြင်းတိုက်ခြင်း၊ လျှပ်စီးလက်၍ မိုးခြိမ်းခြင်းနှင့် မိုးသည်းထန်စွာ ရွာသွန်းခြင်းတို့ကြောင့် မိုးရရှိသော်လည်း သတိရှိရန်လိုကြောင်း ၎င်းက ပြောဆိုထားသည်။



နေပြည်တော်၊ မန္တလေး အမြန်လမ်းတစ်လျှောက်တွင် လေပြင်းများ တိုက်ခတ်သည်ဟု ကြားသိရသော်လည်း တောင်ငူမြို့တွင်မူ ဧပြီလ ၂၆ ရက်နေ့ ညနေ ၄ နာရီ မိနစ် ၂၀ ခန့်ကစ၍ လေပြင်းများ တိုက်ခတ်ခဲ့ကြောင်း တောင်ငူမြို့ခံ The Voice သတင်းထောက်က သတင်းပေးပို့သည်။

from The Voice Weekly's Facebook Wall http://ift.tt/1rubLK1