အရက်မူးနေသော လူငယ်ကို သေသည်အထိ ရိုက်နှက်ခဲ့သည့် ရဲတပ်ဖွဲ့ဝင်များ ထောင်ဒဏ် ၁၀ နှစ...

အရက်မူးနေသော လူငယ်ကို သေသည်အထိ ရိုက်နှက်ခဲ့သည့် ရဲတပ်ဖွဲ့ဝင်များ ထောင်ဒဏ် ၁၀ နှစ်စီ ချမှတ်ခံရ



တောင်ငူ၊ ဧပြီ ၂၆



တောင်ငူခရိုင် ဖြူးမြို့နယ် ရန်ကုန်-မန္တလေး လမ်းဟောင်းပေါ်ရှိ လောကနတ် အရက်ဆိုင်တွင် အရက်သေစာ သောက်စားပြီး မူးယစ်ရမ်းကားနေသူ လူငယ်တစ်ဦးကို ရဲစခန်းသို့ ဖမ်းဆီးခေါ်ဆောင်ခဲ့ရာတွင် အသက် သေဆုံးသည်အထိ ရိုက်နှက်ခဲ့သည့် ဖြူးမြို့မ ရဲစခန်းမှ ရဲတပ်ဖွဲ့ဝင် လေးဦးကို ဧပြီလ ၂၅ ရက်နေ့တွင် ထောင်ဒဏ် ၁၀ နှစ်စီ ပြစ်ဒဏ် ချမှတ်လိုက်ကြောင်း တောင်ငူခရိုင် တရားရုံး အသိုင်းအဝိုင်းထံမှ စုံစမ်းသိရှိရသည်။



အဆိုပါ ရဲတပ်ဖွဲ့ဝင်များသည် ၂၀၁၂ ခုနှစ်အတွင်းက လင်းလင်းထက် (ခ) ရွာသား (မူးယစ်ရမ်းကားသူ) ကို ရဲစခန်းသို့ ဖမ်းဆီးခေါ်ဆောင်ခဲ့ရာ ရဲစခန်းအရောက်တွင် သေဆုံးခဲ့ခြင်းကြောင့် ယင်းရဲတပ်ဖွဲ့ဝင် လေးဦးကို ပြစ်မှုဆိုင်ရာ ဥပဒေပုဒ်မ ၃၀၂ ဖြင့် ဖြူးမြို့နယ် ရဲစခန်း၌ အမှုဖွင့်ခဲ့ခြင်း ဖြစ်သည်ဟု သေဆုံးသူ၏ မိသားစုဝင်များက ပြောကြားသည်။



ယင်းအမှုနှင့် ပတ်သက်၍ ရဲတပ်ဖွဲ့ဝင် လေးဦးကို တောင်ငူခရိုင် တရားရုံးက ပြစ်မှုဆိုင်ရာ အမှုကြီးအမှတ် ၅၃/၂၀၁၂ ဖြင့် လက်ခံ စစ်ဆေးပြီး တစ်နှစ်နှင့် ခုနစ်လအကြာ ယခုနှစ် ဧပြီလ ၂၅ ရက်နေ့ မွန်းလွဲ ၃ နာရီခွဲ အချိန်တွင် အလုပ်ကြမ်းနှင့် ထောင်ဒဏ် ၁၀ နှစ်စီ ချမှတ်ခဲ့ခြင်း ဖြစ်ကြောင်း၊ ယင်းကာလအတွင်း ရုံးခေါ်ချိန်ပေါင်း ၄၆ ကြိမ်၊ တရားလိုပြသက်သေ ၂၀ နီးပါးကို စစ်ဆေးခဲ့ပြီးနောက် သေဆုံးသည်အထိ ရိုက်နှက်ခဲ့ကြောင်း ထင်ရှားခဲ့၍ ပြစ်ဒဏ် ချမှတ်ခံရခြင်းလည်း ဖြစ်ကြောင်း သေဆုံးသူ၏ အစ်မဖြစ်သူ ဒေါ်မြင့်ခက်ခက်မွန်က ပြောဆိုသည်။



လင်းကိုကိုထက် (ခ) တောသား သေဆုံးခဲ့မှုနှင့် ပတ်သက်ပြီး တောင်ငူခရိုင် တရားရုံး ခရိုင်တရားသူကြီး ဦးမောင်မောင်အေးက တရားခံ သူရိန်စန်းကို ပြစ်မှုပုဒ်မ ၃၀၂ (၂) အရ အလုပ်ကြမ်းနှင့် ထောင်ဒဏ် ၁၀ နှစ်၊ တရားခံ ဝင်းတင့်၊ အုန်းလွင်နှင့် မင်းကိုလတ်တို့ကို ပြစ်မှုပုဒ်မ ၃၀၂ (၂)၊ ၁၁၄ တို့အရ အလုပ်ကြမ်းနှင့် ထောင်ဒဏ် ၁၀ နှစ်စီ ချမှတ်ခဲ့ခြင်း ဖြစ်ကြောင်း တောင်ငူခရိုင် တရားရုံးတော်နှင့် တရားလို အကျိုးတော်ဆောင်များထံမှ စုံစမ်းသိရှိရသည်။



ယင်းတရားခံများကို အမှုဖွင့်ပြီး ငါးလခန့်အကြာတွင် ရဲတပ်ကြပ်ကြီး အုန်းလွင်နှင့် ရဲတပ်သား မင်းကိုလတ်တို့ကို မြန်မာနိုင်ငံရဲတပ်ဖွဲ့မှ ရာသက်ပန် ထုတ်ပယ်ခဲ့ပြီး ဒုရဲအုပ် သူရိန်စန်းကို ရဲစည်းကမ်း ထိန်းသိမ်းရေး ဥပဒေအရ ထောင်ဒဏ် တစ်နှစ် ချမှတ်ကာ ဒုရဲအုပ် ဝင်းတင်ကို တစ်ဆင့်နိမ့် ရာထူးချကာ အရပ်ဘက်တရားရုံး၌ ဆက်လက် စစ်ဆေးခဲ့ခြင်း ဖြစ်ကြောင်း ဖြူးမြို့နယ် ရဲတပ်ဖွဲ့မှူးရုံး တာဝန်ရှိသူတစ်ဦးက ပြောကြားသည်။

“သူတို့ မိသားစုဝင်တွေ အယူခံ ဆက်တက် မတက်က ကျွန်တော် မသိသေးပါဘူး။ အယူခံ တက်မယ်ဆိုလည်း တက်ခွင့်ရှိတယ်” ဟု အဆိုပါ ရဲအရာရှိ ကြီးက ဆက်လက်ပြောကြားသည်။



ယမန်နှစ် ဧပြီလ ၂၃ ရက်နေ့တွင် ပဲခူးတိုင်းဒေသကြီး ပြည်မြို့နယ် နဝဒေတံတားအောက် သမီးရည်းစား စုံတွဲတစ်တွဲ ချိန်းတွေ့နေစဉ် အသက် ၂၄ နှစ်ခန့်အရွယ် အမျိုးသမီးတစ်ဦး အသတ်ခံရသည့် အမှုနှင့် ပတ်သက်ပြီး နယ်မြေခံ တပ်ရင်းတစ်ခုမှ တပ်မတော်သား နှစ်ဦးကို သံသယ ဖြစ်သည့်အတွက် သေဆုံးသူ မိသားစုဝင်များက စွပ်ဆွဲပြောဆို အမှုဖွင့်ခဲ့ရာ တပ်ရင်း တာဝန်ရှိသူများက မဟုတ်မှန်ကြောင်း ငြင်းဆိုထားပြီး အမှုဖြစ်ပွားပြီး တစ်နှစ်ကျော်သည်အထိ တရားခံကို ဖော်ထုတ်နိုင်ခြင်း မရှိသေးမှုနှင့် ပတ်သက်၍ မြန်မာနိုင်ငံရဲတပ်ဖွဲ့၏ လုပ်ဆောင်ချက်များကို ပြည်သူလူထုက မေးခွန်းထုတ်နေချိန်တွင် မြန်မာနိုင်ငံ ရဲတပ်ဖွဲ့ဝင်များကို အရေးယူသည့် ပြစ်ဒဏ်စီရင်ချက် ထွက်ပေါ်လာခြင်း ဖြစ်သည်။

from The Voice Weekly's Facebook Wall http://ift.tt/1lUZahq