ကမ္ဘာ့ဖလားပြိုင်ပွဲကြီးစတင်သည်အထိ ကွင်းတည်ဆောက်မှုများ ပြီးဆုံးရန်မရှိ အောင်ငြိမ...

ကမ္ဘာ့ဖလားပြိုင်ပွဲကြီးစတင်သည်အထိ ကွင်းတည်ဆောက်မှုများ ပြီးဆုံးရန်မရှိ



အောင်ငြိမ်းသွေး



ဘရာဇီး၊ ဧပြီ ၂၃



၂၀၁၄ ကမ္ဘာ့ဖလားပြိုင်ပွဲကြီးကျင်းပရန် ရက်ပေါင်း ၅၀ သာကျန်ရှိတော့သော်လည်း အားကစားပြိုင်ကွင်းများတည်ဆောက်မှု အခြေအနေမှာ ယခုအချိန်အထိ အပြီးမသတ်နိုင်ခြင်းမရှိသေးပဲ အချိန်မလပ်ဆက်လက် လုပ်ကိုင်နေရဆဲဖြစ်သည်။



ဖီဖာ၏ အထွေထွေအမှုဆောင်အရာရှိချုပ် ဂျာရိုမီဗယ်ကီသည် ကမ္ဘာ့ဖလားအဖွင့်ပွဲစဉ်ကစားမည့် ဆာအိုပေါ်လိုမြို့ရှိ Itaquerao ကွင်းကိုသွားရောက်စစ်ဆေးခဲ့ရာတွင် လုပ်ငန်းများစွာ ဆက်လက်လုပ်ကိုင်ရန်ကျန်ရှိနေသေးကြောင်း တွေ့ရှိခဲ့ခြင်းဖြစ်သည်။ ဘရာဇီးနဲ့ခရိုအေးရှားတို့ ယှဉ်ပြိုင်ကစားမည့် အဖွင့်ပွဲစဉ်အမီ ကွင်းတည်ဆောက်မှုပြီးဆုံးရန်အတွက် အချိန်တစ်မိနစ်မျှကိုပင် အချိန်ဖြုန်း၍မရကြောင်း ဗယ်ကီက ပြောဆိုသွားခဲ့သည်။



ဗယ်ကီက “အချိန်တစ်မိနစ်ကိုတောင်မှ ကျွန်တော်တို့အချိန်ဖြုန်းလို့မရတော့ပါဘူး။ အလုပ်တွေအများကြီးလုပ်ကိုင်ဖို့ ကျန်ရှိနေပါသေးတယ်။ အချိန်ပြည့်အလုပ်လုပ်ဖို့လိုအပ်နေပါပြီ။ ဒီလောက်အခက်အခဲဖြစ်နေလို့ အဖွင့်ပွဲစဉ်ကျင်းပနိုင်ပါ့ မလားလို့မေးလာရင်တော့။ yes လို့ဖြေမှာပါ။ အခြားကွင်းတွေမှာကျင်းပမယ့် ပြိုင်ပွဲတွေကော အဆင်ပြေပါ့မလားဆိုရင်လည်း yes လို့ဖြေမှာပါ”ဟု ဆိုခဲ့သည်။



ထို့အပြင်ဗယ်ကီက ဖွင့်ပွဲကြီးအတွက် အဆင်သင့်ဖြစ်နေစေရန်နှင့် ကွင်းများအားလုံး စမ်းသပ်အသုံးပြုသည့်အချိန်တွင် အဆင်သင့်ဖြစ်နေစေရန် လာမည့်အပတ်၌ တင်းကြပ်သည့် အချိန်ဇယားများချမှတ်ပေးသွားမည်ဟုလည်း ဆိုခဲ့သည်။



ဖီဖာသည် Itaquerao ကွင်းကို တရားဝင်ပြိုင်ပွဲမကျင်းပမီ အစမ်းလေ့ကျင့်ပြင်ဆင်မှုအဖြစ် လာမည့်မေလအလယ်တွင် ဘရာဇီးပြည်တွင်းလိဂ်ပွဲစဉ်တစ်ပွဲကို ကစားစေမည်ဖြစ်သည်။ ထိုကဲ့သို့စီစဉ်ထားသော်လည်း Itaquerao ကွင်း၏ ထိုင်ခုံ ၇၀၀၀၀ မှာ ယခုအချိန်အထိ တပ်ဆင်ခြင်းမပြုရသေးပေ။



အခြားကွင်းနှစ်ကွင်းဖြစ်သည့် Arena da Baixada ကွင်းနှင့် Arena Pantanal ကွင်းတို့အတွက်လည်း စိုးရိမ်ပူပန်မိကြောင်း ဗယ်ကီကပြောဆိုခဲ့သေးသည်။ စပိန်နှင့်သြစတြေးလျတို့ပွဲစဉ်အပါအ၀င် အုပ်စုပွဲစဉ်လေးပွဲကျင်းပမည့် Arena da Baixada ကွင်းမှာလည်း ယခုအချိန်အထိ ထိုင်ခုံ နှစ်သောင်းခုနှစ်ထောင်သာ တပ်ဆင်ရသေးပြီး ထိုင်ခုံ ငါးထောင်တပ်ဆင်ရန်ကျန်ရှိနေသေးသည်။



ဖီဖာသည် ကမ္ဘာ့ဖလားပြိုင်ပွဲကျင်းပမည့် အားကစားကွင်း ၁၂ ကွင်းကို ပြီးခဲ့သည့်နှစ်အကုန်က အပြီးတည်ဆောက်ရန် ညွှန်ကြားထားခဲ့သော်လည်း ကွန်ဖက်ဒရေးရှင်းဖလားကျင်းပခဲ့သည့် ကွင်း ၆ ကွင်းသာ အပြီးတည်ဆောက်နိုင်ခဲ့သည်။



ရည်ညွှန်း - စကိုင်းစပေါ့





from Mizzima - News in Burmese's Facebook Wall http://ift.tt/1hhOWYJ