ဦးဝင်းတင်အတွက် ဖြူးတွင် ဆွမ်းသွတ်တရားတော်နာ ပြုလုပ်မည်
သက်အောင်
ဖြူး၊ မဇ္ဈိမ။ ။ ၂၀၁၄ခုနှစ်၊ ဧပြီလ ၂၁ရက်က ကွယ်လွန်ခဲ့သည့် အမျိုးသားဒီမိုကရေစီအဖွဲ့ချုပ်၏ သဘာပတိအဖွဲ့ဝင် သတင်းစာဆရာကြီး ဟံသာဝတီ ဦးဝင်းတင်ကို ရည်စူး၍ ဖြူးမြို့နယ်၊ အမျိုးသားဒီမိုကရေစီ အဖွဲ့ချုပ်ရုံးတွင် ဧပြီလ ၂၅ရက်နေ့၌ ဆွမ်းသွတ် တရားတော်နာ ပြုလုပ်သွားမည်ဟု ဖြူးမြို့နယ် ဥက္ကဋ္ဌ ဦးသန်းညွန့်က ပြောသည်။
ဖြူးမြို့နယ်အတွင်းရှိ ကျေးရွာအုပ်စုပေါင်း (၇၃)အုပ်စုမှ အမျိုးသားဒီမိုကရေစီအဖွဲ့ချုပ် အဖွဲ့ဝင်များကို ဖိတ်ကြားထားပြီး ဖြစ်သည်။
ဆရာကြီး ဦးဝင်းတင်၏ နောက်ဆုံးခရီးစဉ်ကို လိုက်မပို့နိုင်ခဲ့သည့် နယ်ကပါတီဝင်များအတွက် ယခုကဲ့သို့ နယ်ပါတီဝင်များအားလုံး၊ ဆရာကြီးကို ချစ်သည့် ပြည်သူများ စုပေါင်းကာ ဆွမ်းသွတ်တရားနာ ပြုလုပ်ပေးပြီး ဆရာကြီး ကောင်းရာ ဘုံဘဝသို့ ရောက်ရှိပါစေကြောင်း အမျှအတမ်းပေးဝေသွားမည်ဟု ဦးသန်းညွန့်က ပြောသည်။
ဆရာကြီးအတွက် အလှူငွေများ ရရှိခဲ့ပါကလည်း ဦးဝင်းတင် ဖောင်ဒေးရှင်းသို့ လှူဒါန်းသွားမည်ဟု ဦးသန်းညွန့်က ဆက်လက်ပြောကြားသည်။
from Mizzima - News in Burmese's Facebook Wall http://ift.tt/1pt3tGv
Comments
Post a Comment