တန်ခူးမိုး (ဆောင်းပါးရှင် - မြေလတ်ညိုလင်း) တန်ခူးလသည် မြန်မာ့ဆယ့်နှစ်လတွင် အဦ...

တန်ခူးမိုး



(ဆောင်းပါးရှင် - မြေလတ်ညိုလင်း)



တန်ခူးလသည် မြန်မာ့ဆယ့်နှစ်လတွင် အဦးအစ ပထမဆုံးလဖြစ်၍ နွေဥတု၌ပါဝင်သည်။ ဤလ၏အမည်ကို ပုဂံခေတ်ထိုးကျောက်စာတို့တွင် မျက်မှောက်ခေတ်ရေးထုံးနှင့်အညီ "တန်ခူး" ဟု ရေးထိုးခဲ့ကြပြီး တောင်ငူခေတ်နှင့် ညောင်ရမ်းခေတ်တို့တွင်လည်း အလားတူ "တန်ခူး" ဟုပင် ရေးသားသုံးနှုန်းခဲ့ကြသည်။ အင်းဝခေတ်တွင်မူ "တန်ခူး" ဟုလည်းကောင်း အသီးသီးရေးသား သုံးနှုန်းလာခဲ့ကြသည်ဟုဆိုသည်။



တန်ခူးလ၏အဓိပ္ပာယ်ကို ဝေါဟာရ လီနတ္ထဒီပနီတွင် "အထူးထူးသော အပွင့်အသီးတို့ဖြင့် ဆန်းကြယ်သည်၏အဖြစ်ကြောင့် လူတို့စိတ်နှလုံး၏ မွေ့လျော်ခြင်းကို ပြုတတ်၏။ ထို့ကြောင့် တန်ခူးလမည်၏" ဟု ဖွင့်ဆိုထားသည်။



မြန်မာ့ဆယ့်နှစ်လမိုးများအနက် တန်ခူးလတွင်ရွာသွန်းလေ့ရှိသော မိုးကို "တန်ခူးမည်မှတ်၊ ဖက်ဆွတ်ရေတိုး၊ သင်္ကြန်မိုး" ဟူသောဆိုရိုးစကားဖြင့် ရှေးသူဟောင်းတို့ အမှတ်အသားပြုခဲ့ကြပြီး ယင်း၏အဓိပ္ပာယ်ကို "တန်ခူးလတွင် ဖက်ဆွတ်မိုး၊ သင်္ကြန်မိုး ရွာသွန်းစမြဲဖြစ်သည်" ဟု မြန်မာဆိုရိုးစကားတွင် ဖွင့်ဆိုထားသည်။



မြန်မာမင်း အုပ်ချုပ်ပုံစာတမ်းတွင်မူ ယင်းဆိုရိုးစကားကိုပင် "တန်ခူးလတွင် ဖက်ဆွတ်ရေခေါ်သောရေသည် ဧရာဝတီမြစ်မှာ တိုးမြဲ၊ သင်္ကြန်ခေါ်သောမိုးသည် ရွာမြဲဆိုလိုသည်" ဟုဖွင့်ဆိုထားသည်။



ဖက်ဆွတ်မိုးကို မြန်မာအဘိဓာန်တွင် "တပေါင်းလအကုန် တန်ခူးလဆန်းတွင် သစ်ရွက်ရော်များကိုကြွေစေသောမိုး။ ဖက်ခြွေမိုး" ဟုဖွင့်ဆိုထားသည်။



ဖက်ဆွတ်မိုးနှင့်စပ်လျဉ်း၍ ဆရာမင်းသုဝဏ်က "တန်ခူးလတွင်ရွာသောမိုး တောအနှံ့တောင်အနှံ့ နွေဦးရာသီက ကြွေထားသော သစ်ရွက်ခြောက်တို့ကို တွန်းတိုက်စီးဆင်းရသဖြင့် နီသောအဆင်းရှိသည်။ ဧရာဝတီမြစ်၊ ချင်းတွင်းမြစ်စသည်တို့တွင် စီးဆင်းသည်။ ဤရေကိုသောက်လျှင် ငှက်ဖျားဖြစ်တတ်သည်။ မသောက်ကောင်းဟု အယူရှိသည်" ဟုဖော်ပြခဲ့သည်။ ဖက်ဆွတ်ရေနှင့်စပ်လျဉ်း၍လည်း "ဖက်ဆွတ်ရေကိုပင် လောင်သင်းရေဟု ခေါ်ပြန်သေးသည်။ တပေါင်းလ၊ တန်ခူးလတွင် တောင်ယာအတွက် တောမီးများရှို့သောအခါ သစ်ပင်ကြီး သစ်ပင်ငယ် ချုံနွယ်ပိတ်ပေါင်းတို့ကို မီးလောင်ရသည်။ မြေဆီမြေလွှာလည်း မီးကျက်ရသည်။ ဤမီးလောင်ပြင်တွင် ရွာချ၍ စီးဆင်းရသော မိုးရေဖြစ်သဖြင့် လောင်သင်းရေဟု ခေါ်ခဲ့ကြပုံရသည်" ဟုဆက်လက်ဖော်ပြခဲ့သည်။



လောင်သင်းရေကို မြန်မာအဘိဓာန်တွင် "တောမီးလောင်ထားသောမြေကို မိုးဦးကာလ၌ တိုက်စားစီးဆင်းလာသည့် ပြာနံ့၊ မီးသွေးနံ့ပါရှိသောရေ" ဟုဖွင့်ဆိုထားသည်။



ဖက်ဆွတ်မိုး၊ ဖက်ခြွေမိုးတို့သည် တန်ခူးလတွင် ရွာသွန်းမြဲဖြစ်ကြောင်း မြန်မာဆိုရိုးစကားတွင် ဖော်ပြထားသော်လည်း ယင်းမိုးများသည် တပေါင်းလတွင်လည်း အခါအားလျော်စွာ ရွာသွန်းတတ်ကြောင်း ရာသီဘွဲ့အထောက်အထားများအရ သိရှိရသည်။ ဖက်ဆွတ်မိုး၊ ဖက်ခြွေမိုးတို့နှင့်စပ်လျဉ်း၍ စာဆိုတော် ရှင်ဥတ္တမကျော်ဆို ၀သန်ဟေမချီ တောလားရတု တတိယပိုဒ်တွင် "သောင်သိမ်ငွေဥ၊ သဲဗွေနုနှင့်၊ ၀တ်စုညွန့်ချီ၊ သရဖီမူ၊ ကြိုင်ဆီလှိုင်သတ်၊ ရေဖက်ဆွတ်တည့်၊ ခြွေလွတ်ဆောစွာ၊ သည်ချိန်ခါကို၊ သောတာပန်မည်၊ မဟာထေရ်တို့၊ မကြည်နိုင်အောင်၊ ခိုးမြူမှောင်ခဲ့" စသည်ဖြင့်လည်းကောင်း၊ မြတ်သယမ္ဘူချီတောလားရတု ဆဋ္ဌမပိုဒ်တွင် "မြိုင်ခြေအပြင်၊ စုံတစ်ခွင်က၊ ရွက်ကျင်ခွေကျိုး၊ ဖက်ခြွေမိုးမူ၊ ရေရိုးယူဆောင်၊ မိန်တန်ဆောင်မှ၊ ပလောင်တောင်သ၊ ချိန်တမျှကို" စသည်ဖြင့်လည်းကောင်း အသီးသီးဖွဲ့ဆိုထားသည်။



ထို့ပြင် ဖက်ဆွတ်ရေ၊ လောင်သင်းရေတို့နှင့် စပ်လျဉ်း၍ စာဆိုတော်ဖိုးသူတော် ဦးမင်းဆိုမိန်အပိုင်းပေမို့ချီ တပေါင်းလဘွဲ့ လေးချိုးတတိယအပိုဒ်တွင် "ကြည်ရေသွန်းငယ်၊ တံခွန်ဒီးဒီး၊ ဖက်ဆွတ်ကယ်စီးလို့၊ တောင်ကြီးသုတ်သင်၊ ရေတစ်ပြင်လည်း" စသည်ဖြင့်လည်းကောင်း၊ စာဆိုတော် လူဦးမင်းဆို မိန်ရတုပေမို့ တပေါင်းလဘွဲ့လေးချိုး တတိယအပိုဒ်တွင် "ရွက်ကျင်ငယ်ကြွေသည်၊ ရေလယ်ဖက်ကူး၊ ဂင်္ဂါရူးလည်း၊ အထူးတောင်သ၊ မီးရောင်ပြနှင့်၊ လှသန္တာငုံ၊ စုံရဂုံမှာ၊ အထုံအသင်း၊ မံဝတ်ရည်သွင်းချိန်မှ" စသည်ဖြင့်လည်းကောင်း၊ စုံတစ်ဖွဲ့မှာလချီ တန်ခူးလဘွဲ့ လေးချိုးစတုတ္ထပိုဒ်တွင် "ယဉ်ပေါင်းချီစွ၊ နဒီကလည်း၊ သဲစသောင်ခြေ၊ လောင်သင်းရေနှင့်၊ ငှက်ဆွေစုံလှယ်၊ မောင်ချင်းမယ်တို့၊ သွယ်သွယ်မူနည်၊ ပူပွဲစည်အောင်" စသည်ဖြင့်လည်းကောင်း အသီးသီးဖွဲ့ဆိုထားကြသည်။



ထိုမှတစ်ပါး တန်ခူးမိုးနှင့်စပ်လျဉ်း၍ စာဆိုတော်မယ်ခွေဆို နေနတ်ကယ်မှ ရာဇာလေချီ တန်ခူးလဘွဲ့ အဲချင်းတတိယပိုဒ်တွင် "ရဂုံမြိုင်ပြား၊ တောတစ်လွှားလည်း၊ ငှက်ခါးတောင်လို၊ ပူအောင်မယ့်ကိုယ်၊ မိုးကြီးတစ်ဖွဲ့၊ လေတစ်လှည့်နှင့်၊ တစ်ဆယ့်ခြောက်တိုင်း၊ မပြတ်ကယ်ဆိုင်းလို့၊ မှိုင်းမှိုင်းငယ်ညိုသည်" စသည်ဖြင့် ဖွဲ့ဆိုထားသည်။

from Eleven Media Group's Facebook Wall http://ift.tt/1klNk3q