လေပြင်းတိုက်ခတ်မှုကြောင့် ကန့်ဘလူမြို့နယ် လူနေအိမ် ၁၁ လုံးပျက်စီး
ကိုတိုးကြီး
စစ်ကိုင်း(မဇ္ဈိမ)။ ။
ဧပြီလ ၁ ရက် ညနေ ၆ နာရီခွဲခန့်က လေပြင်းတိုက်ခိုက်မှုဖြစ်ခဲ့သည့် စစ်ကိုင်းတိုင်း ၊ ရွှေဘိုခရိုင်၊ ကန့်ဘလူမြို့နယ်၊ ပင်းတဲကျေးရွာတွင် လူနေအိမ် ၁၁ လုံးပျက်စီးဆုံးရှုံးခဲ့သည်ဟု မြို့နယ်အထွေထွေ အုပ်ချုပ်ရေးမှူးရုံးရှိ ရုံးဝန်ထမ်းတစ်ဦးက ပြောသည်။
နာရီဝက်ကျော်ကြာ တိုက်ခတ်သွားသည့် လေပြင်းကြောင့် ဦးလှကျော်၊ ကိုကျော်သက်နိုင်၊ ဦးဆန်းလင်း၊ ဦးမင်းဇော်၊ ဦးစိန်လင်း၊ ဦးမောင်တင့်၊ ဦးဝင်း၊ ဦးထူး၊ ဦးစံတင်၊ ဒေါ်တင်ငွေနှင့် ဒေါ်အေးရွှေ၊ တို့၏ နေအိမ်များပျက်စီးသွားသည်ဟု ပင်းတဲကျေးရွာ အုပ်ချူပ်ရေးမှူးရုံး၏ မှတ်တမ်းများတွင် ဖော်ပြထားသည်။
လူနှင့် တိရစ္ဆာန်များအသေအပျောက်မရှိခဲ့သော်လည်း ပင်းတဲနယ်မြေရဲကင်းစခန်းရှိနေအိမ်တန်းလျားသွပ်မိုး များ အများအပြား ပျက်စီးဆုံးရှုံးခဲ့သည်ဟုဆိုသည်။
from Mizzima - News in Burmese's Facebook Wall http://ift.tt/1pICoMe
Comments
Post a Comment