ကြားဖြတ်ရွေးကောက်ပွဲအတွက် ဇွန်လတွင် ရှမ်းနှစ်ပါတီဆွေးနွေးမည် ဟိန်းကိုစိုး ရန်က...

ကြားဖြတ်ရွေးကောက်ပွဲအတွက် ဇွန်လတွင် ရှမ်းနှစ်ပါတီဆွေးနွေးမည်



ဟိန်းကိုစိုး



ရန်ကုန်၊ ဧပြီ ၆



ရှမ်းအမျိုးသားဒီမိုကရေစီအဖွဲ့ချုပ် (SNLD)နှင့် ရှမ်းတိုင်းရင်းသားများ ဒီမိုကရက်တစ်ပါတီ (SNDP) တို့ ဇွန်လဆန်း၌ တောင်ကြီးမြို့တွင် ကျင်းပမည့် ပထမ အကြိမ် ပါတီပေါင်းစည်းရေးဆွေးနွေးပွဲအတွင်း ၂၀၁၄ ခုနှစ် ကြားဖြတ်ရွေး ကောက်ပွဲအရေး ထည့်သွင်းဆွေးနွေးသွား မည်ဟု နှစ်ပါတီတာဝန်ရှိသူတို့က ဧပြီ ၆ ရက်တွင် မဇ္ဈိမကို ပြောသည်။



“ပါတီနှစ်ခု ပေါင်းစည်းရေးအတွက် ပထမဆုံးအကြိမ်တွေ့ကြမှာ။ အဲဒီမှာလည်း ရွေးကောက်ပွဲအတွက် ဘယ်လိုယှဉ်ပြိုင်ကြမလဲဆိုတာကို ဆွေးနွေးရမှာပေါ့” ဟု SNLD အထွေထွေအတွင်းရေးမှူး ဦးစိုင်းညွှန့် လွင်က ဆိုသည်။ ပြည်ထောင်စုရွေးကောက်ပွဲကော်မရှင်က နှစ်ကုန်ပိုင်းတွင် လစ်လပ်မဲဆန္ဒနယ် ၃၁ ခု အတွက် ကြား ဖြတ်ရွေးကောက်ပွဲကျင်းပပေးမည်ဟု မတ်လလယ်တွင် ထုတ်ဖော်ပြောဆိုထားသည်။



ထို့ကြောင့် လစ်လပ်စာရင်းတွင် လေးနေရာပါဝင်နေသည့် ရှမ်းပြည်နယ် မဲဆန္ဒနယ်များတွင် ၀င်ရောက် ယှဉ်ပြိုင်မည့်အရေးကို ဒေသအခြေစိုက် အဆိုပါနှစ်ပါတီတို့ ဆွေးနွေးရန်ရှိလာခြင်းဖြစ်သည်။“နှစ်ပါတီ မျက်နှာချင်းဆိုင်တစ်ခါမှမတွေ့ရသေးဘူး။ ရွေးကောက်ပွဲသာမက အကြောင်းရာတွေ အများကြီး ဆွေးနွေး ကြမှာပါ” ဟု ရှမ်း တိုင်းရင်းသားများ ဒီမိုကရက်တစ်ပါတီ ဒုတိယဥက္ကဋ္ဌ ဦးစိုင်းဆောင်စီက ဆိုသည်။



အဆိုပါ နှစ်ပါတီ ပေါင်းစည်းရန် ၂၀၁၂ခုနှစ် ကြားဖြတ်ရွေးကောက်ပွဲမတိုင်မီကပင် ကြိုးပမ်းမှုများရှိခဲ့သည်။ ထိုစဉ်က ပါတီမှတ်ပုံပြန်မတင်ရသေးသည့် SNLD ခေါင်းဆောင် ဦးခွန်ထွန်းဦးကို ဦးဆောင်မှု ကဏ္ဍ၌ ပါဝင်ရန် SNDP ဘက်မှ စတင်ကမ်းလှမ်းခဲ့ခြင်းဖြစ်သည်။ ၂၀၁၃ ခုနှစ် နှစ်ကုန်ပိုင်းတွင်မူ တရားဝင် ပါတီ အဖြစ် ရပ်တည်နေပြီဖြစ်သည့် SNLD က SNDP ကို ပေါင်းစည်းရေး ပြန်လည်ကမ်းလှမ်းခဲ့သည်။ သို့သော် ယနေ့တိုင် တွေ့ဆုံညှိ နှိုင်းနိုင်မှုမရှိသေးပေ။



ယခုအခါ၌မူ လာမည့် ဇွန်လဆန်းတွင် ပထမဆုံးအကြိမ် ဆွေးနွေးမှုများ စတင်တော့မည်ဟု နှစ်ဖက်စလုံး ထုတ်ဖော်ပြော ဆိုကြသည်။ ထို့ကြောင့် ပေါင်းစည်းရေးဆွေးနွေးမှုများနှင့်အတူ အနီးကပ်ဆုံးကာလတွင် ကျင်းပရန်ရှိသည့် ကြားဖြတ်ရွေး ကောက်ပွဲအရေး ပါဝင်လာခြင်းဖြစ်သည်။



၂၀၁၀ပြည့်နှစ်ကပင် ပါဝင်ယှဉ်ပြိုင်ခဲ့သည့် SNDP က ရှမ်းပြည်နယ် လစ်လပ်နေရာအားလုံးနှင့် ကချင်ပြည် နယ်ဒေသ အချို့တွင် ရွေးကောက်ခံရန် ရည်ရွယ်ပြင် ဆင်နေပြီဖြစ်သည်။ သို့သော် SNLD ဘက်ကမူ ရွေး ကောက်ပွဲဆိုင်ရာ ပြင်ဆင်မှုနှင့် မျှော်မှန်းချက်များ ထုတ်ဖော်ပြောဆို လိုခြင်းမရှိသေးဟု ပြောသည်။



ရှမ်းပြည်နယ်လွှတ်တော်တွင် ကိုယ်စားလှယ် ကွယ်လွန်သွားသည့် တာချီလိတ် (၂)၊ မိုင်းယောင်း (၁)၊ တန့်ယန်း(၂) မဲ ဆန္ဒနယ်တို့ လစ်လပ်နေသည်။ ထို့အတူ ဟိုတယ်နှင့် ခရီးသွားလာရေးဝန်ကြီးဌာန ဒုတိယ ၀န်ကြီးအဖြစ် ခန့်အပ်ခံရသည့် နမ့် ခမ်းမြို့နယ် ပြည်သူ့လွှတ်တော်ကိုယ်စားလှယ် ဦးစိုင်းကျော်အုန်း၏ နေရာလည်း လစ်လပ်နေသည်။

from Mizzima - News in Burmese's Facebook Wall http://ift.tt/1khTYHR