အိမ်ရှင်၊ အိမ်ငှား ဥပဒေပါ အားနည်းချက်ကြောင့် ခြောက်လတစ်ကြိမ် အိမ်ငှားခမတန်တဆ တို...

အိမ်ရှင်၊ အိမ်ငှား ဥပဒေပါ အားနည်းချက်ကြောင့် ခြောက်လတစ်ကြိမ် အိမ်ငှားခမတန်တဆ တိုးတောင်းသည့်ဒဏ် အိမ်ငှားများ ရင်ဆိုင်နေရ



အိမ်ရှင်၊ အိမ်ငှားဥပဒေပါ အားနည်းချက်ကြောင့် ခြောက်လတစ်ကြိမ် အိမ်ငှားခမတန်တဆ တိုးတောင်းသည့်ဒဏ်ကို အိမ်ငှားများ ရင်ဆိုင်နေရပြီး အဆိုပါဥပဒေမှာ ခေတ်မမီတော့သဖြင့် ပြင်ဆင်စရာများ ရှိနေကြောင်း ရန်ကုန်မြို့တွင် အိမ်ငှားရမ်း နေထိုင်နေသူများနှင့် ဥပဒေပညာရှင်များက သုံးသပ်ပြောကြားသည်။



“အိမ်ငှားရမ်းခ ကြီးကြပ်ရေးဥပဒေမှာပါတဲ့ ကာလအပိုင်းအခြားနဲ့ အိမ်ငှားရမ်းခ တိုးမြှင့်ကောက်ခံခွင့်ရှိတာ သဘာဝမကျပါဘူး။ အိမ်ရှင်၊ အိမ်ငှားနှစ်ဖက်လုံးရဲ့ သဘောတူညီနိုင်စွမ်းကို အစိုးရက အိမ်ငှားရမ်းခ ကြီးကြပ်ရေးဥပဒေ ပြဋ္ဌာန်းပြီး ကန့်သတ်တာတော့ မဖြစ်သင့်ဘူး။ အိမ်ရှင်၊ အိမ်ငှားကိုယ်တိုင် ပဋိညာဉ်ထားပြီး ဆောင်ရွက်တာက ပိုပြီးသင့်လျော်မယ်။ စာချုပ်ထဲမှာ တစ်နှစ်ကာလဆိုရင် တစ်နှစ်အတွင်း အိမ်ငှားခကို တိုးမကောက်နိုင်တော့ဘူး” ဟု Purple Equity Law Firm မှ အတိုင်ပင်ခံ ဥပဒေပညာရှင် ဦးဖိုးဖြူက သုံးသပ်သည်။



လက်ရှိအချိန်တွင် ရန်ကုန်ကဲ့သို့ မြို့ကြီးများတွင် အိမ်ငှားရမ်းနေထိုင်သူ များလာပြီး အိမ်ရှင်များက ခြောက်လတစ်ကြိမ်ခန့် အိမ်ငှားခရာခိုင်နှုန်း ၂၀ မှ ရာခိုင်နှုန်း ၃၀ အထိ တိုးတောင်းမှုများ ရှိနေသည်ဟု အိမ်ငှားနေထိုင်နေသူ အသိုင်းအ၀ိုင်းမှ သိရသည်။



“အိမ်ငှားနေရတာ တစ်ခါတည်း တစ်နှစ်စာ အပြီးပြတ်ပေးပြီး စာချုပ်မချုပ်နိုင်တော့ ခြောက်လတစ်ခါပဲ ချုပ်တာများပါတယ်။ ခြောက်လပြည့်တော့ အိမ်ရှင်နဲ့ပွဲစားက ပူးပေါင်းပြီး အိမ်လခတိုးတောင်းတယ်။ အိမ်ငှားခက ဒီအစိုးရသစ် လက်ထက်ကတည်းက ကျတယ်မရှိဘူး။ အတက်ပဲရှိတယ်။ ခြောက်လတစ်ကြိမ်လောက် တက်ပြီးပေးနေရတယ်။ ကြာရင်ပေးဖို့ မတတ်နိုင်ကြတော့လို့ ကျူးကျော်လုပ်ချင်စိတ်တောင် ပေါက်လာတယ်” ဟု တာမွေမြို့နယ်အတွင်း အိမ်ငှားရမ်းနေထိုင်သူ တစ်ဦးက ဆိုသည်။



မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေကို ၁၉၆၀ ခုနှစ်က ပြဋ္ဌာန်းခဲ့ခြင်းဖြစ်သဖြင့် လက်ရှိခေတ်ကာလနှင့် လျော်ညီမှုမရှိတော့သည်ကို တွေ့ရသည်။



အဆိုပါ အက်ဥပဒေတွင် အိမ်ရှင်က အိမ်ငှားကို အလွယ်တကူနှင်ထုတ်ခြင်း မပြုနိုင်အောင် ပြဋ္ဌာန်းထားသော်လည်း အခါအားလျော်စွာ အိမ်ငှားခ တိုးမြှင့်တောင်းခံခြင်းကို ခွင့်ပြုပေးထားသည်။



လက်ရှိ အိမ်ရှင်များမှာ ဈေးကွက်သဘောအရ မြို့ပြများသို့ ပြောင်းရွှေ့အခြေချလာသူ များလာခြင်းကြောင့် တစ်ကြောင်း၊ အိမ်ပိုင်ဝယ်ယူကာ နေထိုင်နိုင်သူ အလွန်နည်းပါးခြင်းကြောင့် တစ်ကြောင်း အိမ်ငှားနေထိုင်လိုသူ များပြားနေခြင်းကြောင့် အိမ်ငှားရမ်းခများကို မတန်တဆ တိုးမြှင့်တောင်းခံနေခြင်းဖြစ်သည်။



“တကယ်တော့ အိမ်ငှားရာမှာ အိမ်ခြံမြေ အကျိုးဆောင်တွေက ငှားရင် တစ်နှစ်စာ ငှားရမ်းခကို ပွဲခတစ်လစာ ပေးရတယ်။ ခြောက်လငှားရမ်းတာဆိုရင် လတစ်ဝက်စာပဲ ပေးရတယ်။ ဒါပေမဲ့ အရပ်ပွဲစားတွေကတော့ ခြောက်လငှားရင်လည်း တစ်လစာတောင်းတယ်။ အဲဒီခြောက်လ ပြည့်သွားရင်လဲ ပွဲခထပ်လိုချင်တဲ့အတွက် အိမ်ရှင်နဲ့ပူးပေါင်းပြီး အိမ်ငှားဆက်မနေနိုင်အောင် အိမ်လခကို တိုးတောင်းတဲ့သဘောပါ။ ဒီလိုတိုးတောင်းရင်းနဲ့ အိမ်ငှားရမ်းခတွေက အကျလုံးဝ မရှိတော့ဘဲ ဆက်တိုက်တက်လာတဲ့ သဘောပါ။ လူတွေက မနေမဖြစ်တော့ တောင်းသလောက်ပေးပြီး ငှားနေရတဲ့ အခြေအနေ ဖြစ်လာတာပါ” ဟု အိမ်ခြံမြေဈေးကွက် လေ့လာသူတစ်ဦးက ပြောကြားသည်။



အဆိုပါ မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေကို အစိုးရအနေနှင့် ခေတ်နှင့်လျော်ညီပြီး အိမ်ရှင်အိမ်ငှား နှစ်ဦးနှစ်ဖက် မျှမျှတတဖြစ်စေရန် ပြောင်းလဲပြင်ဆင်မှုများ၊ ဈေးကွက်ညီမျှစေရန် ထိန်းချုပ်မှုများ ပြုလုပ်သင့်နေပြီဖြစ်ကြောင်း ဥပဒေပညာရှင်အချို့က သုံးသပ်သည်။



ရန်ကုန်မြို့တွင်းရှိ နေအိမ်တိုက်ခန်းများကို တွေ့ရစဉ်





from Eleven Media Group's Facebook Wall http://ift.tt/1hghzkE