ပုဂ္ဂလိကဘဏ်နှင့်ချိတ်ဆက်၍ အရစ်ကျဝယ်ယူသည့်စနစ် ပြည်သူများ စိတ်ဝင်စားမှုနည်း
မျိုးသန့်
မန္တလေး၊ ဧပြီ ၈
ပုဂ္ဂလိကဘဏ်များမှ အရစ်ကျစနစ်ဖြင့် ကုန်ပစ္စည်းဝယ်လိုသူများမှာ သက်ဆိုင်ရာဌာနအာမခံချက်၊ ပစ္စည်း တန်ဖိုးထက် ပိုမိုသည့်ငွေစာရင်း ဖွင့်လှစ်ထား သူအာမခံချက်စသည်တို့ လိုအပ်သဖြင့် အများစုက စိတ်ဝင် စားမှု နည်းပါးလျက်ရှိကြောင်း သိရသည်။
ကုန်ပစ္စည်းသစ်များကို အရစ်ကျစနစ်ဖြင့် ၀ယ်ယူရာတွင် ဘဏ်တိုးပေးဆောင်ရမှုများခြင်း၊ အာမခံထားရှိ ရမှုများခြင်း၊ လိုချင်သည့် ကုန်ပစ်္စည်းအမှတ်တံဆိပ်ကိုဝယ်ယူရန် မလွယ်ကူခြင်းနှင့် လိုချင်သည့်ကုန်ပစ္စည်း အလွယ်တကူမရရှိခြင်းတို့ကြောင့်ဖြစ်သည်။
“ဘဏ်တွေမှာ အရစ်ကျစနစ်နဲ့ ကုန်ပစ်္စည်းတွေကို ရောင်းချပေးမယ်ဆိုတုန်းကတော့ ၀မ်းသာပေမယ့် လုပ်ရမယ့်အချက်တွေ၊ အာမခံတွေ၊ အတိုးနှုန်းထားတွေကများတော့ စိတ်မ၀င်စားတော့ပါဘူး”ဟု ချမ်း အေးသာစံမြို့နယ်တွင် နေထိုင်သော ကုမ္ပဏီဝန်ထမ်း ကိုမျိုးကိုက ပြောသည်။
အရစ်ကျစနစ်ဖြင့် ၀ယ်ယူလိုသူများထံမှ ၀န်ထမ်းဖြစ်လျှင် လက်ရှိဌာနမှ အာမခံပေးနိုင်သော တာဝန်ရှိသူ တစ်ဦး၏ထောက်ခံချက်၊ ၀ယ်မည့်ပစ္စည်းတန်ဖိုး ထက်ပိုသော ငွေစုစာရင်းထားရှိသူတစ်ဦး၏ ထောက်ခံ ချက်၊ သက်ဆိုင်ရာနယ်မြေတာဝန်ခံ၏ ထောက်ခံချက်တို့အပြင် ဘဏ်က အခြားအချက်အလက်များ တောင်းဆိုသဖြင့် စိတ်ဝင်စားမှု လျော့ကျလာခြင်းဖြစ်သည်။
“၀န်ထမ်းဖြစ်တယ်ဆိုရင် အဲဒီဌာနတာဝန်ရှိသူရဲ့ထောက်ခံချက်ပေးရပါ့မယ်။ နောက်ပြီး ပစ္စည်းတန် ဖိုး ထက်ပိုတဲ့ ငွေပမာဏကို ဘဏ်မှာငွေစာရင်းဖွင့်ထား သူရဲ့ထောက်ခံချက်လိုပါမယ်။ အဲဒါအပြင် မှတ်ပုံ တင်နဲ့ ထောက်ခံချက် တချို့လိုအပ်ပါတယ်။ အတိုးကလည်း ပစ္စည်းပေါ်မူတည်ပြီး သတ်မှတ်သွားမှာပါ။ လတ်တလောမှာ ဒီစနစ်နဲ့ဝယ်ဖို့ပြောတဲ့သူ သိပ်မရှိပါဘူး””ဟု ပုဂ်္ဂလိကဘဏ်တစ်ခုမှ တာဝန်ရှိသူက ပြောသည်။
ခေတ်စနစ်အသစ်ပြောင်းလာခြင်း၊ ငွေကြေး ဆိုင်ရာကို ပြည်တွင်း ပြည်ပ ပိုမိုလုပ်ဆောင်လာခြင်း များကြောင့် စီးပွားရေးလုပ်ငန်းများတွင် အဆင်ပြေ သော်လည်း ပြည်ပနိုင်ငံများကဲ့သို့ အရစ်ကျစနစ်ဖြင့် ရောင်းချပေးမှုပိုင်းတွင် ကုမ်္ပဏီများ၏ အာမခံချက်ပေးအပ်မှုနည်းနေသေးခြင်း၊ လုပ်ထုံးလုပ်နည်းကို ပြည်သူများက နားလည်မှု အားနည်းနေသေးခြင်း စသည်တို့ကြောင့် ယခုကဲ့သို့ အဆင်မပြေမှုများကို ကြုံတွေ့နေရခြင်းဖြစ်သည်။
ယခုအခါ ပုဂ္ဂလိကဘဏ်များက အရစ်ကျစနစ်ဖြင့် တိုက်ခန်း၊ ကား၊ ဆိုင်ကယ်၊ ဖုန်း၊ ကင်မရာစသည့် ပစ်္စည်းများကို ရောင်းချပေးလျက်ရှိသည်။
from Mizzima - News in Burmese's Facebook Wall http://ift.tt/Q4zhkU
Comments
Post a Comment