လက်ထပ်လက်စွပ်ချွတ်သော်လည်း ပိုမိုရင်းနှီးနေဟန်ရှိသည့် ပဲလ်ထရိုတို့ဇနီးမောင်နှံ
နယူးယောက်၊ ဧပြီ ၁
ဂိုင်နက်သ်ပဲလ်ထရိုနှင့် ခရစ္စမာတင်တို့ ဇနီးမောင်နှံသည် ၎င်းတို့၏ ၁၀ နှစ်တာ အိမ်ထောင်သက်ကာလကို အဆုံးသတ်ရန် ဆုံးဖြတ်ထားကြောင်း မကြာသေးမီက ကြေညာခဲ့သည်။
ဂိုင်နက်သ်ပဲလ်ထရိုသည် လက်ထပ်လက်စွပ်ကို ချွတ်ထားလိုက်ပြီဖြစ်သော်လည်း ၎င်းနှင့်ခရစ္စမာတင်တို့ သည် ယခင်ကထက်ပင် ပို၍တွဲမိနေဟန်ရှိလေသည်။ ၎င်းတို့နှစ်ဦးသည် ပြီးခဲ့သည့်မတ် ၂၉ ရက် ညနေက ဘာဟစ်မက်ခ်ရှိ Eleuthera ကျွန်းပေါ်တွင် မိတ်ဆွေအပေါင်းအသင်းများနှင့် အတူညစာစားခဲ့ကြသည်။ ညစာစားပွဲတွင် ၎င်းတို့နှစ်ဦးသည် စိတ်လက်ပေါ့ပါးစွာ ရယ်မောပျော်ရွှင်နေကြသည်ကို တွေ့မြင်ရကြောင်း မေးလ်အွန်လိုင်းတွင် ဖော်ပြထားသည်။
သူတို့နှစ်ဦးသည် လမ်းခွဲတော့မည်ဟု ကြေညာပြီးကတည်းက ကလေးနှစ်ဦးနှင့်အတူ ပရိသတ်မျက်ကွယ် တွင် ပုန်းအောင်းနေခဲ့ကြသည်။
“သူတို့တွေ လမ်းခွဲပြီးစ ပုံစံလားဆိုတာကို မြင်တဲ့လူတွေကတော့ ဘယ်တော့မှ မှန်းဆနိုင်မှာမဟုတ်ပါဘူး။ သူတို့ကိုကြည့်ရတာတော့ အဆင်ပြေနေတဲ့ပုံပဲ”ဟု ပဲလ်ထရိုတို့၏ ညစာစားပွဲကို မြင်တွေ့ခဲ့သည့် မျက်မြင် သက်သေတစ်ဦးက The Sun on Sunday သတင်းစာကို ပြောကြားထားသည်။
ညစာစားပွဲတွင် ပဲလ်ထရိုနှင့် ခရစ္စမာတင်တို့သည် ဘေးချင်းယှဉ်လျက်ထိုင်ခဲ့ပြီး ပေါ့ပါးပျော်ရွှင်နေဟန်ရှိ သည်။ ၎င်းတို့နှစ်ဦး လမ်းခွဲရလောက်အောင်မပြေလည်သည့် အသွင်သဏ္ဌာန်မျိုးမရှိပေ။
ပဲလ်ထရိုသည် ၎င်း၏လက်ထပ်လက်စွပ်ကို ချွတ်ထားသည်မှာ သိသာသော်လည်း ၎င်းတို့နှစ်ဦးစလုံးသည် ကလေးနှစ်ယောက်မျက်နှာကို ငဲ့ကွက်ရန် ဆုံးဖြတ်ထားသည်မှာလည်း ရှင်းလင်းထင်ရှားနေသည်။
ခရစ္စကို ကြည့်ရသည်မှာ တစ်စုံတစ်ရာ စိတ်အနှောင့်အယှက်ဖြစ်သည့်ဟန်မျိုးမရှိဘဲ ရယ်စရာပြက်လုံးများ စွာကို ပြောလျက်ရှိပြီး ပဲလ်ထရိုက မျက်ရည်များထွက်အောင်ပင် လိုက်လံရယ်မောနေခြင်းဖြစ်သည်။
from Mizzima - News in Burmese's Facebook Wall http://ift.tt/1ooTJMX
Comments
Post a Comment