ချန်ပီယံဆုနှင့် အနီးဆုံး အနေအထားကြောင့် အသင်းသားများအားလုံး အံ့အားသင့်နေကြောင်း ဆွာရက်ဇ် ၀န်ခံ
အောင်သုတ
လီဗာပူးလ်၊ ဧပြီ ၂၄။ ။ ယခုနှစ်ရာသီတွင် ပရီးမီးယားလိဂ်ချန်ပီယံဆုကို ရယူနိုင်ရန် အနီးစပ်ဆုံးအနေအထားသို့ရောက်ရှိနေခြင်းကြောင့် အသင်းသားများအားလုံး အံ့အားသင့်နေကြကြောင်း လီဗာပူးလ်အသင်းတိုက်စစ်မှူးဆွာရက်ဇ်က ၀န်ခံပြောကြားခဲ့သည်။
လီဗာပူးလ်အသင်းအနေဖြင့် ငွေကြေးအမြောက်အမြားသုံးစွဲကာ လူအင်အားတောင့်တင်းအောင်အားဖြည့်ထားကြသည့် အခြားပရီးမီးယား လိဂ်ပြိုင်ဖက်အသင်းများနှင့်နှိုင်းယှဉ်လျှင် ပိုမိုအားနည်းသည့်လူစာရင်းကို ပိုင်ဆိုင်ထားသော်လည်း ချန်ပီယံဆုချိန်ရွယ်နေနိုင်သည့်အနေအထားမှာ အသင်းသားများ အားလုံးကို အံ့အားသင့်စေကြောင်း ဥရုဂွေးတိုက်စစ်မှူးဆွာရက်ဇ်က ပြောသည်။
“ချန်ပီယံဆုကို ရရှိနိုင်ခဲ့မယ်ဆိုရင်တောင် အားလုံး ယုံကြည်နိုင်ကြမှာ မဟုတ်ပါဘူး။ ကျွန်တော်တို့မှာ ကစားသမားကောင်းတွေရှိတယ်ဆိုပေ မယ့်လည်း အခြားအသင်းတွေထက်စာရင် အမြင့်ဆုံးမှာရှိမနေပါဘူး။ အမှန်တကယ်ပြောရမယ်ဆိုရင် ကျွန်တော်တို့ ဘယ်လိုကစားနေကြသ လဲဆိုတာ ကျွန်တော်တို့ကိုယ်ကျွန်တော်တို့ အံ့အားသင့်နေကြပါတယ်”ဟု ယခုနှစ်ရာသီတွင် လီဗာပူးလ်အသင်းအတွက် လိဂ်သွင်းဂိုး ၃၀ အ ထိသွင်းယူထားသည့် တိုက်စစ်မှူးဆွာရက်ဇ်က ပြောကြားသည်။
from Mizzima - News in Burmese's Facebook Wall http://ift.tt/1hoNW4Q
Comments
Post a Comment