အင်ဒိုနီးရှားရွေးကောက်ပွဲ အကြိုကာလတွင် သေနတ်သမားများ ပစ်ခတ်မှုကြောင့် သုံးဦးသေဆုံး
အေအက်ဖ်ပီ
ဘန်ဒါအာချေး၊ ဧပြီ ၁
အင်ဒိုနီးရှားနိုင်ငံ၊ အာချေးပြည်နယ်တွင် သေနတ်သမားများက ဆိုင်ကယ်တစ်စီးပေါ်မှနေ၍ ပစ်ခတ်သွား သဖြင့် ကလေး ငယ်တစ်ဦးအပါအ၀င် လူသုံးဦး သေဆုံးသွားခဲ့ကြောင်း အင်ဒိုနီးရှား ရဲတပ်ဖွဲ့က အင်္ဂါနေ့ တွင် သတင်းထုတ်ပြန်ခဲ့သည်ဟု ဧပြီ ၁ ရက်က အေအက်ဖ်ပီ သတင်းတစ်ရပ်တွင် ဖော်ပြထားသည်။
အင်ဒိုနီးရှားနိုင်ငံတွင် လာမည့်သီတင်းပတ်အတွင်း၌ ရွေးကောက်ပွဲကျင်းပရန် ရှိရာ ထိုရွေးကောက်ပွဲ မတိုင်မီတွင် နိုင်ငံအနောက်ပိုင်းရှိ အာချေးပြည်နယ်၌ အကြမ်းဖက်မှုများဖြစ်ပွားလျက် ရှိနေသည်။
အာချေးပါတီမှ ရွေးကောက်ပွဲဝင် ကိုယ်စားလှယ်လောင်းများ၏ပုံများဖြင့် တန်ဆာဆင်ထားသော ဗင်ကား တစ်စီးအား မော်တော်ဆိုင်ကယ်တစ်စီးပေါ်မှ သေနတ်သမားနှစ်ဦးက တနင်္လာနေ့နှောင်းပိုင်းက ပစ်ခတ် ခဲ့ရာ သုံးဦးသေဆုံးသွားခဲ့ခြင်း ဖြစ်သည်။ အာချေးပါတီမှာ ဒေသတွင်းနိုင်ငံရေးတွင် လွှမ်းမိုးထားသောပါတီ ဖြစ်သည်။
သေနတ်သမားများမှာ မည်သူမည်ဝါ ဖြစ်ကြကြောင်း မသိရှိရသေးသော်လည်း ဧပြီလ ၉ ရက် ရွေး ကောက်ပွဲမတိုင်မီ နိုင်ငံရေးနှင့်နွယ်သော တိုက်ခိုက်မှုများ မကြာခဏ ဖြစ်ပွားလျက်ရှိသည်ဟု ရဲတပ်ဖွဲ့က ဆိုသည်။
ဆူမတ်တြားကျွန်းမြောက်ဖျားရှိ အာချေးပြည်နယ်တွင် ငြိမ်းချမ်းရေး သဘောတူညီချက်တစ်ရပ်ရရှိခဲ့သဖြင့် နှစ် ၃၀ ကြာ သူပုန်ထမှု အဆုံးသတ်သွားခဲ့သည်မှာ ဆယ်စုနှစ်တစ်ခု ရှိပြီဖြစ်သော်လည်း ယခုတိုင် အောင် လုံခြုံရေးအခြေအနေများ ဆိုးရွားလျက်ရှိနေသေးကြောင်း ဤအကြမ်းဖက်မှုများက ညွှန်ပြနေသည်။ ခွဲထွက်ရေး အတွက် သူပုန်ထမှုတွင် လူပေါင်း ၂၅,၀၀၀ ခန့် သေဆုံးခဲ့ရသည်။
“လူလေးယောက် သေနတ်ကျည်ဆန် ထိမှန်သွားခဲ့ပါတယ်” ဟု တိုက်ခိုက်မှု ဖြစ်ပွားခဲ့ရာ ဘီရီယန်ခရိုင်၏ ရဲတပ်ဖွဲ့အကြီးအကဲ အလီခါဒါဖီက ပြောသည်။
from Mizzima - News in Burmese's Facebook Wall http://ift.tt/PgsZ1k
Comments
Post a Comment