အီဘိုလာဗိုင်းရပ်စ်က အကြီးမားဆုံးသော စိန်ခေါ်မှု ဖြစ်လာ
ရိုက်တာ
ဝါရှင်တန်၊ ဧပြီ ၉
အသက်အန္တရာယ် ဆုံးရှုံးစေသည်အထိ ပြင်းထန်သော အီဘိုလာဗိုင်းရပ်စ်ပိုးမှာ အာဖရိကတိုက်အတွင်းရှိ အခြားနေရာများ၌ လွန်ခဲ့သောနှစ်လေးဆယ်ဝန်းကျင်ကတည်းက ပေါ်ပေါက်ခဲ့ပြီးဖြစ်သော်လည်း အနောက် အာဖရိက၌ ယင်းဗိုင်းရပ်စ်ပိုး အလျင်အမြန် ပျံ့နှံ့မှုမှာ ကျန်းမာရေးဝန်ထမ်းများအတွက် “အကြီးမားဆုံးသော စိန်ခေါ်မှုတစ်ရပ်” ဖြစ်နေရသည်ဟု ကမ္ဘာ့ကျန်းမာရေးအဖွဲ့မှ ပြောကြားလိုက်သည်ဟု ဧပြီ ၉ ရက်က ရိုက် တာ သတင်းတစ်ရပ်တွင် ဖော်ပြထားသည်။
ဂီနီနိုင်ငံတောင်ပိုင်းရှိ သစ်တောများမှ စတင်ပျံ့နှံ့ခဲ့သည့် အီဘိုလာဗိုင်းရပ်စ်ပိုး ပျံ့နှံ့လာခြင်းအပေါ် စိုးရိမ်မိ ကြောင်း ကမ္ဘာ့ကျန်းမာရေးအဖွဲ့၏ လက်ထောက်ညွှန်ကြားရေးမှူးချုပ်ကိုင်ချီဖူကူဒါက ပြောကြားလိုက်သည်။
“ဂီနီနိုင်ငံလို အာဖရိက အနောက်ပိုင်းက နိုင်ငံမျိုးတွေမှာ ယခင်က အီဘိုလာဗိုင်းရပ်စ်ပိုး အလျင်အမြန် ပျံ့နှံ့ တာမျိုး မရှိခဲ့ပါဘူး” ဟု ရောဂါပိုးပျံ့နှံ့မှုကိုထိန်းချုပ်ရန် ဂီနီသို့ ကျန်းမာရေး လုပ်သားပေါင်းများစွာ အလျင်အမြန် စေလွှတ်နေရသည့် ကမ္ဘာ့ကျန်းမာရေးအဖွဲ့မှ ဖူကူဒါက ဆိုသည်။
“ကျွန်တော်တို့အနေနဲ့ အီဘိုလာ ဗိုင်းရပ်စ်ပိုးပျံ့နှံ့တဲ့ အဆိုးရွားဆုံးသော အခြေအနေတစ်ရပ်ကို ရင်ဆိုင်နေ ရတာပါ” ဟု ၎င်းက ပြောသည်။
from Mizzima - News in Burmese's Facebook Wall http://ift.tt/1gNXVfB
Comments
Post a Comment