မန်စီမြို့နယ်တစ်ဝိုက် ရွာသားများ တရုတ်ပြည်ဖက် ထွက်ပြေးနေရ

ကချင်ပြည်နယ် ဗန်းမော်ခရိုင် မန်စီမြို့နယ်နဲ့ ရှမ်းပြည်နယ်မြောက်ပိုင်း နမ့်ခမ်းမြို့နယ်စပ် အနီးတစ်ဝိုက်မှာ အစိုးရတပ်မ ၈၈ လက်အောက်ခံတပ်တွေနဲ့ ကေအိုင်အေတပ်မဟာ ၃ လက်အောက်ခံ တပ်ရင်း ၂၇ တို့အကြား ပြီးခဲ့တဲ့ ၁၀ ရက်နေ့က တိုက်ပွဲတွေကြောင့် ကျေးရွာပေါင်း ၁၈ ရွာက ထွက်ပြေးတိမ်းရှောင်သူထဲက စစ်ပြေးဒုက္ခသည် ၇၀၀ ၀န်းကျင်လောက်ဟာ နမ့်ခမ်းမြို့က မန်းဟောင်းဘုန်းကြီးကျောင်းနဲ့ အထက ၂ ကျောင်းတွေမှာ ခိုလှုံနေကြပါတယ်။

မန်စီမြို့နယ် ကျေးရွာတွေက ထွက်ပြေးတိမ်းရှောင်သူတွေ တစ်ထောင်ဝန်းကျင်လောက်ဟာ တရုတ်ပြည်နယ်စပ်ထဲကိုလည်း တိမ်းရှောင်နေကြကြောင်း ကျားဖြူ ခေါ် ရှမ်းတိုင်းရင်းသားများ ဒီမိုကရက်တစ်ပါတီ SNDP က ပြည်နယ်လွှတ် တော်ကိုယ်စားလှယ် ဦးစိုင်းတင်ဦးက ပြောပါတယ်။

"ရွာ ၁၈ ရွာလုံးလုံး တရုတ်ပြည်ဘက်ကို ရောက်နေကြတယ်၊ တစ်ထောင်ဝန်းကျင်လောက်ရှိမယ်၊ ကျနော်တို့ နမ့်ခမ်းမြို့နယ် ဒုက္ခသည်စခန်းက မန်းဟောင်းဘုန်းကြီးကျောင်းမှာတစ်နေရာ၊ အထက ၂ ကျောင်းမှာ အကူအညီတောင်းပြီးတော့ ခိုလှုံနေရတယ်၊ အထက ၂ ကျောင်းမှာ ၆ဝဝ ကျော်တယ်၊ မန်းဟောင်းဘုန်းကြီးကျောင်းမှာ ၈ဝ ဝန်းကျင်လောက်ရှိမယ်"

ရှမ်းပြည်မြောက်ပိုင်း နမ့်ခမ်းမြို့ကို ရောက်ရှိနေတဲ့ စစ်ပြေးဒုက္ခသည်တွေနဲ့ တရုတ်နိုင်ငံနယ်စပ်ထဲ ထွက်ပြေးကြသူတွေကို ကျားဖြူပါတီနဲ့ မူဆယ်ဒေသခံတွေက စားနပ်ရိက္ခာနဲ့ တခြားလိုအပ်တာတွေ အကူအညီပေးနေတယ်လို့လည်း သိရပါတယ်။ တရုတ်နိုင်ငံထဲ ထွက်ပြေးကြသူ အရေအတွက်ကိုတော့ အတိအကျပြောဖို့ ခက်ခဲကြောင်း တရုတ်နိုင်ငံနယ်စပ်အထိ သွားရောက်ကူညီခဲ့တဲ့ ကျားဖြူပါတီအဖွဲ့ဝင် ပြည်နယ်လွှတ်တော် ကိုယ်စားလှယ် ဦးစိုင်းတင်ဦးက ပြောပါတယ်။

RFA Burmese

from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1sWK93A