အန္တာတိတ်တွင် ဂျပန် ဝေလငါးဖမ်းနေသည်ကိုရပ်တန့်ရန် အမိန့်ချမှတ်
ဘီဘီစီ
တိုကျို၊ ဧပြီ ၁
ကုလသမဂ္ဂ နိုင်ငံတကာ တရားရုံးက အန္တာတိတ်ဒေသတွင် ဂျပန်နိုင်ငံက ဝေလငါးဖမ်းနေသည့် အစီအစဉ် များကို ရပ်တန့်ရန် အမိန့်ချမှတ်ခဲ့သည်ဟု ဧပြီ ၁ ရက်က ဘီဘီစီ သတင်းတစ်ရပ်တွင် ဖော်ပြထားသည်။
ဂျပန် အစိုးရ ကြေညာထားသကဲ့သို့ သိပ္ပံစမ်းသပ်မှုများအတွက် မဟုတ်ကြောင်း၊ ၂၀၁၀ ပြည့်နှစ် မေလက သြစတြေးလျနိုင်ငံက တိုင်တန်းသတင်းပို့ချက်ကို ကုလသမဂ္ဂအဖွဲ့ကြီးက သဘောတူထောက်ခံသဖြင့် ယင်း ကဲ့သို့ အမိန့်ထုတ်ရခြင်း ဖြစ်သည်။ ဂျပန်၏အစီအစဉ်မှာ ဟန်ဆောင်စီးပွားရေးလုပ်ငန်းတစ်ခု ဖြစ်ကြောင်း သြစတြေးလျအစိုးရက စောဒကတက်ခဲ့သည်။ တရားရုံးဆုံးဖြတ်ချက်ကို လိုက်နာမည်ဖြစ်ကြောင်း ဂျပန် အစိုးရက ပြောကြားခဲ့ပြီး အဆိုပါ ဆုံးဖြတ်ချက်ကြောင့် စိတ်ပျက်မိကြောင်းလည်း ထည့်သွင်း ပြောကြားခဲ့ သည်။ နိုင်ငံတကာ တရားရုံး ဆုံးဖြတ်ချက်သည် မလိုက်နာသူများအား အပြစ်ပေးပိုင်ခွင့်ရှိသည့် ဆုံးဖြတ်ချက် ဖြစ် သည်။ သြစတြေးလျ၏ တရားစွဲဆိုသည့် လုပ်ရပ်မှာ ယင်းတို့၏ ယဉ်ကျေးမှု အစဉ်အလာများကို ဂျပန် နိုင်ငံအပေါ် အတင်းအဓမ္မသွတ်သွင်းခြင်းဖြစ်ကြောင်း ဂျပန်က စွပ်စွဲခဲ့သည်။ စီရင်ချက်ကို ဖတ်ကြားခဲ့သည့် တရားသူကြီး ပီတာတွမ်ကာက ဂျပန်အန္တာတိတ်ဒေသတွင် ဝေလငါးဖမ်းခြင်းလုပ်ငန်း လိုင်စင်နှင့် ခွင့်ပြုချက် အားလုံးကို ပြန်လည်ရုပ်သိမ်းမည်ဖြစ်ကြောင်းနှင့် ခွင့်ပြုချက် အသစ်များထုတ်ခြင်းကိုလည်း ရှောင်ရှား ရမည်ဖြစ်ကြောင်း ဖတ်ကြားခဲ့သည်။
from Mizzima - News in Burmese's Facebook Wall http://ift.tt/PgsYu3
Comments
Post a Comment