မိုင်းတုံမြို့နယ်ရှိ SSA စခန်းများ သန်းခေါင်စာရင် ကောက်ခွင့် အမိန့်မရသေး မိုင်း...

မိုင်းတုံမြို့နယ်ရှိ SSA စခန်းများ သန်းခေါင်စာရင် ကောက်ခွင့် အမိန့်မရသေး



မိုင်းတုံ၊ မတ် ၃၁



ရှမ်းပြည်နယ်အရှေ့ပိုင်း မိုင်းတုံမြို့နယ် အတွင်းရှိ ရှမ်းပြည်တောင်ပိုင်း တပ်မတော် SSA ၏ စစ်အခြေစိုက် စခန်းများတွင် သန်းခေါင်စာရင်း ကောက်ယူခွင့်သည် ရှမ်းပြည်ပြန်လည်ထူထောင်ရေး ကောင်စီ (RCSS) မှ ညွှန်ကြားချက် မရှိသေး၍ ကောက်ယူနိုင်မည် မဟုတ်သေးကြောင်း SSA မှ မိုင်းဆတ်-မိုင်းတုံ ငြိမ်းချမ်းရေး ဖော်ဆောင်ရေး ဆက်ဆံရေး တာဝန်ခံ ဗိုလ်ကြီးလွန့်ဆန်က ပြောကြားသည်။



“စခန်း တာဝန်ခံတွေကတော့ ကောက်စေချင်တယ်။ ဒါပေမဲ့ အထက်က ညွှန်ကြားချက် မလာသေးလို့ သန်းခေါင်စာရင်း အဖွဲ့တွေ ကောက်လို့ မရသေးဘူး၊ ရှမ်းလူငယ်တွေကပဲ ကောက်ပြီး ပေးရမယ် ထင်တယ်။ စခန်းတွေက ရှမ်းပြည်နယ်ရဲ့ ၄၀ ရာခိုင်နှုန်းမှာ ရှိနေပြီး မိုင်းတုံ တစ်ခုထဲ မဟုတ်လို့ အထက်ကလည်း စဉ်းစားနေတယ် ထင်ပါတယ်။ ဒါပေမဲ့ အပြည့်အဝ ပူးပေါင်း လုပ်ဆောင်သွားမယ် ဆိုတာတော့ သိထားပါတယ်” ဟု ၎င်းကဆိုသည်။



မိုင်းတုံမြို့နယ်အတွင်း သန်းခေါင်စာရင်း လိုက်လံကောက်ခံသည့် စာရင်းကောက် အဖွဲ့ဝင်များနှင့် SSA လှုပ်ရှားတပ်ဖွဲ့ဝင်များ တွေ့ဆုံခဲ့လျှင် မည်သည့် အန္တရာယ်မျှ တွေ့ကြုံရမည် မဟုတ်ဘဲ ပူးပေါင်းကူညီ ဆောင်ရွက်ပေးရေး ကြိုတင် အကြောင်းကြားထားပေးပြီး ဖြစ်ကြောင်း ၎င်းက ဆက်လက် ပြောဆိုသည်။



သန်းခေါင်စာရင်း ကောက်ခံရမည့် နယ်မြေများအတွင်း ရှမ်းပြည်တပ်မတော် (တောင်ပိုင်း) ၏ ဌာနချုပ်ဖြစ်သည့် လွယ်တိုင်းလျှန်း စခန်းအပြင် ဆန်စု၊ လွယ်လန်း၊ လွယ်ပွတ်ကုလား စသည့် စခန်းကြီးများသည် မိုင်းတုံမြို့နယ် အတွင်းရှိ မုံးထမြို့နယ်ခွဲနှင့် ပုံပါကျင် မြို့နယ်ခွဲအတွင်း တည်ရှိပြီး စခန်းများအနီးတွင် ကျူလုံ၊ မိန်းဟဲ၊ နားဖယောင်း စသည့် တောင်ယာ လုပ်ကိုင်သည့် ကျေးရွာငယ်များ အများအပြား ပါဝင်သည်။



မိုင်းတုံမြို့နယ် မုံးထမြို့နယ်ခွဲတွင် တရားဝင် တပ်စွဲထားသည့် SSA ဗိုလ်မှူးစိုင်းလိတ် ခေါင်းဆောင်သည့် တပ်ဖွဲ့ဝင် ၆၀ ဦး၊ မုံးထ ဆက်ဆံရေး အရာရှိ ဗိုလ်စိုင်းယုနှင့် ရုံးအဖွဲ့ သုံးဦး၊ စုစုပေါင်း ၆၃ ဦးကမူ သန်းခေါင်စာရင်း ကောက်ခံရေးအတွက် အပြည့်အဝ ပူးပေါင်း ဆောင်ရွက်သွားမည် ဖြစ်ကြောင်း ၎င်းတို့က ပြောကြားသည်။



“အခြေအနေ ပေးသမျှ ပြည်တွင်းမှာ ရှိနေတဲ့သူ မှန်သမျှ ကောက်ယူသွားမှာ ဖြစ်ပါတယ်။ ပြည်သူလူထု ပူးပေါင်းဆောင်ရွက်မှုနဲ့ အားလုံးအောင်မြင်အောင် ဆောင်ရွက်သွားမှာ ဖြစ်ပါတယ်” ဟု ရှမ်းပြည်နယ်အရှေ့ပိုင်း လဝက ညွှန်ကြားရေးမှူး ဦးစိုင်းဖုန်းတင့်က ဆိုသည်။



မိုင်းတုံမြို့နယ်အတွင်း လူဦးရေနှင့် သန်းခေါင်စာရင်း ကောက်ယူရေးအား ကောက်ကွက်ပေါင်း ၂၃ ခု၊ မြို့ပေါ် ၃ ရပ်ကွက်နှင့် ကျေးရွာအုပ်စု ခြောက်စုတွင် ခန့်မှန်းအိမ်ထောင်စု ၂၈၆၉ ခု၊ ခန့်မှန်းလူဦးရေ ၂၁၄၆၀ အပေါ် ကောက်ခံသွားမည် ဖြစ်ကြောင်း ယင်းမြို့နယ် လဝက ရုံးမှ စုံစမ်းသိရှိရသည်။



မိုင်းတုံမြို့နယ် အတွင်းရှိ “ဝ” အထူးဒေသ ၂ ကိုမူ မတ်လ ၁ ရက်မှ ၁၀ ရက်အထိ ကြိုတင်ကောက်ခံခဲ့ရာ ကျေးရွာအုပ်စု တစ်ခုနှင့် ပုံပါကျင်၊ မုံးထမြို့နယ်ခွဲမှ ကျေးရွာ ခြောက်ရွာတွင် ကောက်ကွက်ပေါင်း ကိုးခု၊ အိမ်ထောင်စု ၈၈၆ ခု၊ လူဦးရေ ကျားမပေါင်း ၃၀၃၄ ခုကို ကောက်ခံနိုင်ခဲ့ကြောင်း မြို့နယ်လဝကမှူး ဦးခင်ဇော်ထွန်းက ပြောကြားသည်။



ရှမ်းပြည်နယ်အရှေ့ပိုင်းတွင် လူဦးရေ ၉၀၂,၀၀၆ ဦးရှိပြီး အိမ်ထောင်စု ၁၄၉,၅၇၃ ရှိ၍၊ ပြည်နယ်တွင်း လူဦးရေ အများဆုံးမှာ ရှမ်းတိုင်းရင်းသားများ ဖြစ်ပြီး ဒုတိယ အများဆုံးမှာ လားဟူ တိုင်းရင်းသားများ ဖြစ်ကြောင်း၊ အနည်းဆုံးမှာ ကယားတိုင်းရင်းသားများ ဖြစ်ကြောင်း ယင်းပြည်နယ် လဝကရုံးထံမှ သိရှိရသည်။

from The Voice Weekly's Facebook Wall http://ift.tt/1huoUB4