မိုင်းတုံတွင် SSA-S နှင့် တပ်မတော် တိုက်ပွဲဖြစ် မိုင်းတုံ၊ မတ် ၂၄ ရှမ်းပြည်နယ်...

မိုင်းတုံတွင် SSA-S နှင့် တပ်မတော် တိုက်ပွဲဖြစ်



မိုင်းတုံ၊ မတ် ၂၄



ရှမ်းပြည်နယ် အရှေ့ပိုင်း မိုင်းတုံမြို့နယ် ဖာချယ် ကျေးရွာအုပ်စု အတွင်းရှိ ပန်ကျိုင်းရွာတွင် မတ်လ ၂၃ ရက် နံနက်ပိုင်းက SSA တောင်ပိုင်းအဖွဲ့မှ ဗိုလ်စောစိန်န ဦးစီးပြီး တပ်သား ၉ ဦးပါ တပ်စုနှင့် မြန်မာ့တပ်မတော် ခလရ ၂၇၇ မှ အင်အား ၃၂ ဦး ပါရှိသော တပ်ဖွဲ့တို့ ထိတွေ့ တိုက်ပွဲဖြစ်ပွားခဲ့ကြောင်း အဆိုပါ ရွာသားများနှင့် မိုင်းတုံအခြေစိုက် SSA ရုံးတို့ထံမှ စုံစမ်း သိရှိရသည်။



“နံနက် ၇ နာရီလောက်က ဖြစ်တာ။ နာရီဝက်ကြာတယ်။ ရွာမှာ တပ် (SSA-S) က လှူထားတဲ့ ဘုန်းကြီးကျောင်း ဆောက်လုပ်ရေး ကိစ္စနဲ့ ခဏ ဝင်နားတာကို မိုင်းတုံ ခလရ ၂၇၇ က ဝိုင်းပြီး ရွာကို ပစ်တာ။ ကံကောင်းလို့ အိမ်တွေကို လွဲပြီး လူတွေ မထိတာ။ တပ်ဖွဲ့ဝင်တွေတော့ ဘာမှ အထိအခိုက် မရှိပါဘူး။ ကျောပိုးအိတ်နဲ့ ငွေတချို့ပဲ ပါသွားတယ်” ဟု SSA မိုင်းဆတ်-မိုင်းတုံ ငြိမ်းချမ်းရေး ဖော်ဆောင်ရေး ကော်မတီ ဆက်ဆံရေးရုံး တာဝန်ခံ ဗိုလ်ကြီးလွန့်ဆန်က ပြောကြားသည်။



တိုက်ပွဲဖြစ်ပွားရာ ပန်ကျိုင်းရွာတွင် SSA တပ်မဟာမှူး စဝ်တင်းခေးမှ ရွာဘုန်းကြီးကျောင်း ဆောက်လုပ်ရန် ကျပ် ၁၀ သိန်း လှူဒါန်းခဲ့ပြီး ရွာသူရွာသားများ အပါအဝင် အလှူရှင်များက ထည့်ဝင်ငွေဖြင့် ဆောက်လုပ်ရေး ကိစ္စကို စီစဉ်ဆောင်ရွက်ရန် SSA အဖွဲ့များ ခေတ္တလာခြင်း ဖြစ်ကြောင်း၊ မိုင်းတုံ စစ်ဖက်ဆိုင်ရာ လုံခြုံရေး အဖွဲ့က ရွာမှ ပြန်ထွက်ခွာစေသော်လည်း SSA အဖွဲ့ မထွက်ခွာခင် တပ်မှ လာရောက် တိုက်ခိုက်ခဲ့ခြင်း ဖြစ်ကြောင်း ၎င်းကဆိုသည်။



“မိုင်းတုံနဲ့က ၄ မိုင်လောက်ပဲ ဝေးတာပါ။ အခုလို ဖြစ်တော့ ရွာတွေလည်း ကြောက်လန့်ကုန်တယ်။ အပစ်အခတ် ရပ်ထားတယ်။ ငြိမ်းချမ်းနေပြီလို့ ကြားရပြီး အခုလို တိုက်တာကျတော့ တကယ်ငြိမ်းချမ်းတာ မဟုတ်သေးဘူးလို့ သိလိုက်ရတယ်” ဟု ဒေသခံ တစ်ဦးက ဆိုသည်။



တိုက်ပွဲများအစား ငြိမ်းချမ်းရေး ဖော်ဆောင်မှု တိုးတက်စေရန် နှစ်ဖက် လိုက်နာမှု အားနည်းနေကြောင်း မိုင်းတုံဌာနေ ပြည်သူ့စစ် ခေါင်းဆောင် တစ်ဦးက မှတ်ချက်ပြု ပြောဆိုသည်။



မတ်လ ၁၃၊ ၁၄ ရက်နေ့တွင် တောင်ကြီးမြို့၌ မြန်မာ့ငြိမ်းချမ်းရေး စင်တာမှ ဒေါက်တာမင်းဇော်ဦး ပါဝင်ပြီး ရှမ်းပြည်နယ်အတွင်း အခြေစိုက် စစ်တိုင်းလေးတိုင်းမှ ကိုယ်စားလှယ်များ၊ UWSA၊ NDAA မိုင်းလားအဖွဲ့၊ KNPP၊ KNU နှင့် ပအိုဝ့် အဖွဲ့များ ပါဝင်သည့် တိုက်ပွဲများ လျှော့ချရေး တွေ့ဆုံ ဆွေးနွေးပွဲ တစ်ခု ပြုလုပ်ခဲ့သေးကြောင်း သတင်းများတွင် ပါရှိခဲ့ပြီး အဆိုပါ တွေ့ဆုံမှုတွင် ပါဝင်ခဲ့ကြောင်း မိုင်းတုံ SSA တာဝန်ခံက ပြောကြားသည်။



“နှစ်ဖက်တပ် တိုက်ပွဲတွေ လျှော့ချရမယ်သာ ဆိုတယ်။ တပ်မတော်က လိုက်တိုက်နေတာ ဘယ်လိုလုပ်မလဲ။ ငြိမ်းချမ်းရေး အတွက် ရှေ့မရောက်ဘဲ နောက်ပြန်သွားနေပြီ” ဟု ၎င်းက ဆိုသည်။



မတ်လ ၅ ရက်နေ့က မိုင်းပန်မြို့၌ SSA တောင်ပိုင်း ဆက်ဆံရေးရုံး တစ်ရုံးကို ထပ်မံ ဖွင့်လှစ်ခဲ့သည်။



မိုင်းတုံမြို့နယ် အတွင်း၌ SSA နှင့် တပ်တိုက်ပွဲ ဖြစ်ပွားမှုမှာ ဖေဖော်ဝါရီ ၂၃ ရက်နေ့က မုံးထမြို့နယ် အတွင်း ဖြစ်ပွားခဲ့သည့် လွယ်ပန်တုန်း တိုက်ပွဲနှင့် ယခု ပန်ကျိုင်းရွာ တိုက်ပွဲ ဖြစ်ပွားမှုအရ နှစ်ကြိမ် ဖြစ်ပွားခဲ့ခြင်း ဖြစ်ပြီး လွယ်ပန်တုန်း ဖြစ်စဉ်တွင် နယ်ခြားစောင့်တပ် ၁၀၀၇ မှ လားဟူ တပ်သားတစ်ဦး မိုင်းထိဒဏ်ရာ ရရှိခဲ့သည်။



တပ်မတော်ဘက်ကမူ တိုက်ပွဲနှင့် ပတ်သက်သည့် တိုက်ရိုက်သတင်း မရရှိခဲ့ဘဲ ရှမ်းတပ်များ နယ်မြေကျော်လာသည့် အတွက် တပ်မတော်က တိုက်ခြင်း ဖြစ်နိုင်သည်ဟု တပ်မတော်နှင့် နီးစပ်သည့် အသိုင်းအဝန်းက ဆိုသည်။



RCSS/SSA ရှမ်းပြည် ပြန်လည်ထူထောင်ရေး ကောင်စီ၊ ရှမ်းပြည် တပ်မတော်တောင်ပိုင်းသည် အစိုးရနှင့် အပစ်အခတ် ရပ်စဲရေးကို ၂၀၁၁ ခုနှစ် ဒီဇင်ဘာ၂ ရက်နေ့က ပြည်နယ်အဆင့်၊ ၂၀၁၃ ခုနှစ် မေလ ၁၉ ရက်နေ့က ပြည်ထောင်စု အဆင့်ဟူ၍ လက်မှတ်ရေးထိုးထားခဲ့သည့် လက်နက်ကိုင်အဖွဲ့ ဖြစ်သည်။

from The Voice Weekly's Facebook Wall http://ift.tt/OPZTpA