ကြယ်ငါးပွင့်အဆင့်ရှိ Rose Garden ဟိုတယ် အကြိုဖွင့်လှစ် ရန်ကုန်၊ မတ်၂၉ ဟိုတယ် လ...

ကြယ်ငါးပွင့်အဆင့်ရှိ Rose Garden ဟိုတယ် အကြိုဖွင့်လှစ်



ရန်ကုန်၊ မတ်၂၉



ဟိုတယ် လိုအပ်ချက် ရှိနေဆဲ ဖြစ်သော ရန်ကုန်မြို့တော်တွင် ဟောင်ကောင် အခြေစိုက် Emerald Development ကုမ္ပဏီ ပိုင်ဆိုင်သည့် ကြယ်ငါးပွင့် အဆင့်ရှိ Rose Garden ဟိုတယ် အကြိုဖွင့်ပွဲ အခမ်းအနားကို မတ်လ ၂၉ ရက်နေ့တွင် အဆိုပါဟိုတယ် တည်ရှိရာ အထက်ပန်းဆိုးတန်းတွင် ပြုလုပ်ခဲ့သည်။



Rose Garden ဟိုတယ်သည် အကြိုဖွင့်လှစ်ခြင်း ဖြစ်သည့်အတွက် Superior နှင့် Bamboo Deluxe အမျိုးအစား နှစ်မျိုးဖြင့် တည်းခိုနိုင်မည် ဖြစ်ပြီး အခန်းပေါင်း ၁၀၀ ကို တည်းခိုနိုင်ပြီ ဖြစ်ကြောင်း၊ ဟိုတယ်၏ လုံခြုံရေး အတွက် အီလက်ထရွန်နစ် ကတ်စနစ်အပြင် ထပ်ဆင့် တံခါးပိတ်နိုင်မည့် စနစ်ကိုပါ အသုံးပြုထားကြောင်း အဆိုပါဟိုတယ် အရောင်းမန်နေဂျာ ဦးဇော်ဝင်းထွန်းက ပြောကြားသည်။



“အခန်းတွေကို မြန်မာမှုလည်းပြု ခေတ်လည်းဆန်အောင် လုပ်ထားတယ်။ အပြင်အဆင်ကို မတူဘဲ တစ်မူထူးခြားအောင် လုပ်ထားပါတယ်” ဟု ၎င်းကဆိုသည်။



ခရီးသွားလုပ်ငန်းဆိုင်ရာ ဆွဲဆောင်မှု အများအပြား ရှိသည့်အတွက် ဥရောပသမဂ္ဂက ၂၀၁၄ ခုနှစ် အတွက် ခရီးသွားလာရန် အကောင်းဆုံး နိုင်ငံအဖြစ် ရွေးချယ်ရန် ကမ်းလှမ်းခဲ့သည့် မြန်မာနိုင်ငံသို့ ၂၀၁၃ ခုနှစ်တွင် ၂ ဒသမ ၀၄၄ သန်းအထိ ခရီးသည် ဝင်ရောက်မှု တိုးတက်ခဲ့သည့် အတွက် ၂၀၁၄ ခုနှစ်တွင် သုံးသန်းအထိ ဝင်ရောက်ရန် မျှော်မှန်းထားကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန ပြည်ထောင်စုဝန်ကြီး ဦးဌေးအောင်က အဆိုပါဟိုတယ် ဖွင့်ပွဲ အခမ်းအနားတွင် ပြောကြားသည်။



အခန်းပေါင်း ၂၉၈ ခန်း ပါရှိမည့် ကြယ်ငါးပွင့်အဆင့်ရှိ Rose Garden ဟိုတယ်၏ အကြီးစား ဖွင့်ပွဲကို ၂၀၁၅ ခုနှစ်တွင် ဖွင့်လှစ်နိုင်မည် ဖြစ်ကြောင်း ဦးဇော်ဝင်းထွန်းက ပြောကြားသည်။



ယင်းဟိုတယ်တွင် ရေကူးကန်၊ အားကစားခန်းမ၊ အမှတ်တရ လက်ဆောင်ပစ္စည်းဆိုင်များလည်း ပါရှိမည် ဖြစ်ကြောင်း အဆိုပါဟိုတယ်မှ အရောင်းကိုယ်စားလှယ် ဒေါ်မာလာလင်းက ပြောကြားသည်။



ရန်ကုန်တိုင်းဒေသကြီးတွင် လိုင်စင်ပေးပြီး ဟိုတယ်၊ မိုတယ်၊ တည်းခိုရိပ်သာပေါင်း ၂၃၈ လုံးရှိပြီး အခန်းပေါင်း ၁၀,၄၅၅ ရှိကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန၏ ထုတ်ပြန်ချက်အရ သိရှိရသည်။





from The Voice Weekly's Facebook Wall http://ift.tt/1rRZRMU