ICT ကဏ္ဍ ဖွံ့ဖြိုးရေး ဥပဒေကြမ်း မေလတွင် အစိုးရထံတင်မည် ရန်ကုန်၊ မတ် ၁၉ မြန်မာနို...

ICT ကဏ္ဍ ဖွံ့ဖြိုးရေး ဥပဒေကြမ်း မေလတွင် အစိုးရထံတင်မည်



ရန်ကုန်၊ မတ် ၁၉



မြန်မာနိုင်ငံ ကွန်ပျူတာ ဖွံ့ဖြိုးရေး ဥပဒေကို ပြင်ဆင် ရေးဆွဲနေသည့် ICT ကဏ္ဍ ဖွံ့ဖြိုးရေး ဥပဒေကြမ်းကို လာမည့် မေလတွင် အစိုးရထံ တင်သွင်းမည် ဖြစ်ကြောင်း မြန်မာနိုင်ငံ ကွန်ပျူတာ အသင်းချုပ်မှ အထွေထွေ အတွင်းရေးမှူး ဦးဇော်မင်းဦးက The Voice သို့ ပြောကြားသည်။



“စပြီး ပြင်ဆင် ရေးဆွဲနေပြီ။ လာမယ့် မေလလောက် မူကြမ်းပြီးမယ်။ အစိုးရဆီ ဆက်တင်မယ်။ ကျန်တာကတော့ အစိုးရအပိုင်းပေါ့” ဟု ၎င်းကဆိုသည်။



၁၉၉၆ ခုနှစ်က ပြဋ္ဌာန်းခဲ့သည့် မြန်မာနိုင်ငံ ကွန်ပျူတာ ဖွံ့ဖြိုးရေး ဥပဒေသည် ခေတ်နှင့် လျော်ညီခြင်း မရှိသောကြောင့် ICT ကဏ္ဍ တိုးတက်ရန် လိုအပ်နေသည့် ဥပဒေကို မြန်မာနိုင်ငံ ကွန်ပျူတာ အသင်းချုပ်က ဦးဆောင် ရေးဆွဲခြင်း ဖြစ်ကြောင်း အဆိုပါ အသင်းထံမှ သိရသည်။



“ဥပဒေဆိုတာက အားလုံးရဲ့ အချုပ်ပဲ။ ဒီကနေ့ ဆက်သွယ်ရေးကဏ္ဍ တိုးတက်လာတာတွေ အားလုံးက ဆက်သွယ်ရေး ဥပဒေကြောင့်။ ဒီဥပဒေသာ မရှိရင် ဘာမှ လုပ်လို့ မရဘူး။ အရင် ဥပဒေကို ICT ကဏ္ဍ ဖွံ့ဖြိုးတိုးတက်ဖို့ လိုအပ်မယ့် ဥပဒေတစ်ခုအဖြစ် ကျွန်တော်တို့ ပြန်လည် ပြင်ဆင်နေတာပါ” ဟု ဦးဇော်မင်းဦးက ဆိုသည်။



လက်ရှိ အချိန်တွင် ICT ကဏ္ဍ ဖွံ့ဖြိုးရေးအတွက် ဦးဆောင်ခေါင်းခံ ဆောင်ရွက်ပေးမည့် အဖွဲ့အစည်း မရှိသေးသောကြောင့် ဥပဒေ ပြဋ္ဌာန်းပြီး ဥပဒေအရ သတ်မှတ်ထားသည့် အဖွဲ့အစည်း ဦးဆောင်မှုဖြင့် တိုင်းပြည်၏ ICT ကဏ္ဍ ဖွံ့ဖြိုးရေးကို ဆောင်ရွက် သွားသင့်ကြောင်း IT ပညာရှင်များက အကြံပေးကြသည်။



“ICT ကဏ္ဍ ဖွံ့ဖြိုးဖို့က နည်းပညာတင် မဟုတ်ဘူး။ လူ၊ ငွေကြေး အင်အားနဲ့ ကာလရှည် ရင်းနှီးမြှုပ်နှံမှုတွေလည်း လိုတယ်။ အဲဒါတွေကို ထောက်ပံ့ ပေးနိုင်ဖို့ စနစ်ကျတဲ့ ဥပဒေ တစ်ရပ် ရှိသင့်တယ်။ ICT ဆိုတာလည်း မီးခိုး မထွက်တဲ့ စီးပွားရေး လုပ်ငန်းပါပဲ” ဟု ကွန်ပျူတာပညာရှင် ဦးအာကာက ဆိုသည်။



အိမ်နီးချင်း အိန္ဒိယနိုင်ငံတွင် ICT ကဏ္ဍသည် တိုင်းပြည် GDP ၏ တစ်ဆယ်ရာခိုင်နှုန်းအထိ ရှိနေသော်လည်း ပြည်တွင်း ICT ကဏ္ဍမှာ တိုင်းပြည် GDP အပေါ် လုံးဝ သက်ရောက်မှု မရှိသေးပေ။



ရေရှည်တွင် ICT ကဏ္ဍ ပိုမို တိုးတက်စေရန် အစိုးရကိုယ်တိုင် ဥပဒေများ ပြဋ္ဌာန်းပေးခြင်း၊ ဈေးကွက်များ ဖော်ထုတ်ပေးခြင်း၊ ICT Zone များ တည်ထောင်ပေးခြင်း စသည့် အခွင့်အလမ်းများ ဖော်ထုတ်ကာ တက်ကြွစွာ ဆောင်ရွက်သင့်ကြောင်း ပြည်တွင်း ကွန်ပျူတာ နယ်ပယ်မှ ပညာရှင်များနှင့် လုပ်ငန်းရှင်များက တိုက်တွန်းထားသည်။





from The Voice Weekly's Facebook Wall http://ift.tt/1iit5zn