ဇာနည်အောင်
စွမ်းအင်ကဏ္ဍတွင် အစိုးရမှ ပွင့်လင်းမြင်သာမှုရှိရှိ တာဝန်ယူရန် လိုအပ်နေသည့်အပေါ် အာဆီယံလူထု ဖိုရမ် ၂၀၁၄ ၏ တွဲဖက်ဆွေးနွေးပွဲအဖြစ် စွမ်းအင်ဖွံ့ဖြိုးတိုးတက်မှုအစီအစဉ်များနှင့် ကြီးမားသောစီမံကိန်း များခေါင်းစဉ်ဖြင့် မတ်လ ၂၀ ရက်တွင် ပြုလုပ်သွားမည်ဟု မတ်လ ၁၉ ရက်က အာဆီယံပြည်သူ့ဖိုရမ် ကျင်းပရေး ပြင်ဆင်မှုများ၏ နောက်ဆုံးအခြေအနေများနှင့်ပတ်သက်သည့် စာနယ်ဇင်းရှင်းလင်းပွဲတွင် FREDA ဥက္ကဋ္ဌ ဦးအုန်းက ပြောသည်။
အဆိုပါအလုပ်ရုံဆွေးနွေးပွဲမှာ “အာဆီယံနိုင်ငံများအတွင်း အရင်းအမြစ်များနှင့် အသက်မွေးဝမ်းကျောင်း ဆိုင်ရာများအပေါ် ရေအားလျှပ်စစ်စီမံကိန်းများ၏ အကျိုးသက်ရောက်မှုများဆိုင်ရာ” အလုပ်ရုံဆွေးနွေးပွဲ အဖြစ် အမှတ် ၄၉၇၊ အခန်း ၂၀၈ ဒုတိယထပ်၊ တာဝါအီဒိုင်းမွန်းကွန်ဒို၊ ပြည်လမ်း ကမာရွတ်မြို့နယ်တွင် ပြုလုပ်မည်ဖြစ်သည်။ အဆိုပါအလုပ်ရုံဆွေးနွေးပွဲကို ကမ္ဘောဒီးယား၊ မြန်မာ၊ ထိုင်းနှင့် ဗီယက်နမ်နိုင်ငံများ မှ အရပ်ဘက်အဖွဲ့အစည်းများကွန်ရက်မှ အကြံပြုချက်ဖြင့် ဖိုရမ်တွဲဖက်အလုပ်ရုံဆွေးနွေးပွဲ ကျင်းပခြင်း ဖြစ်သည်။
“စွမ်းအင်ကဏ္ဍဆိုင်ရာ ပူးပေါင်းဆောင်ရွက်မှုမှာ အစိုးရအနေဖြင့် ပွင်းလင်းမြင်သာမှုရှိရှိ တာဝန်ယူရန် လိုအပ်နေသေးတာနဲ့ပတ်သက်ပြီး အဓိကထား ဆွေးနွေးမည်”ဟု ဦးအုန်းက ပြောသည်။
၂၀၁၅ ခုနှစ်အတွင်း ဖွံ့ဖြိုးဆဲနိုင်ငံများအနေဖြင့် စွမ်းအင်လိုအပ်ချက်နှုန်း မြင့်မားလာပြီး အခြေခံစွမ်းအင် လိုအပ်ချက်များလည်း ဖြေရှင်းနိုင်မည့်အပြင် မြန်မာနိုင်ငံ၏ စွမ်းအင်ကဏ္ဍသည် တခြားသောကဏ္ဍများ နှင့် နှိုင်းယှဉ်လျှင် အာဆီယံနိုင်ငံများအတွင်း ရင်းနှီးမြှုပ်နှံမှု ပိုတိုးတက်လာမည်ဟု ၎င်းက ပြောသည်။
ထိုအလုပ်ရုံဆွေးနွေးပွဲတွင် မဲခေါင်နှင့် သံလွင်မြစ်တစ်လျှောက် လုပ်ကိုင်မည့် အရွယ်အစားကြီးများသော စွမ်းအင်စီမံကိန်းများနှင့်ပတ်သက်သည့်ကိစ္စများ ဖော်ထုတ်တင်ပြရန်၊ စွမ်းအင်ဖွံ့ဖြိုးတိုးတက်မှုနှင့် ဆိုင် သောကိစ္စရပ်များနှင့် အာဆီယံနိုင်ငံအစိုးရများအနေဖြင့် တခြားရွေးချယ်နိုင်သောနည်းလမ်းများကို ဖော် ထုတ်တင်ပြရန်၊ အာဆီယံနိုင်ငံများမှ အရပ်ဘက်လူမှုအဖွဲ့အစည်းအနေဖြင့် အာဆီယံဒေသတွင်း စွမ်း အင်လိုအပ်ချက်များကြောင့် ဖြစ်ပေါ်လာသော ပဋိပက္ခများကို ဖြေရှင်းရာတွင် အခန်းကဏ္ဍတစ်ခုမှ ပါဝင် လှုပ်ရှားနိုင်စေရန်အတွက် နေရာတစ်ခု ဖန်တီးပေးနိုင်သော နည်းလမ်းများနှင့် စွမ်းအင် ပြန်လည်ဖြည့် တင်းနိုင်သော နည်းပညာများ ဖော်ထုတ်ရန် လိုအပ်ကြောင်းကို ထောက်ပြဆွေးနွေးတင်ပြရန်၊ မြန်မာနိုင် ငံတွင်း လက်ရှိလုပ်ကိုင်ဆောင်ရွက်နေသော စွမ်းအင်ကဏ္ဍအတွက် အသုံးဝင်သော သတင်းအချက် အလက်များ၊ သင့်လျော်သော ဗဟုသုတများ၊ သင်ခန်းစာများနှင့် ပိုမိုကောင်းမွန်သော လုပ်ငန်းစဉ်များကို ထောက်ပံ့တင်ပြပေးနိုင်ရန်၊ အာဆီယံနိုင်ငံများအကြားနှင့် နိုင်ငံတကာဆိုင်ရာကိစ္စရပ်များကို ကိုင်တွယ် ဖြေရှင်းရာတွင် ဥပဒေနှင့်အညီ စံနှုန်းများသတ်မှတ်နိုင်ရန်နှင့် စွမ်းအင်ကဏ္ဍ ရင်းနှီးမြှုပ်နှံမှုကြောင့် ပတ် ၀န်းကျင်ဆိုင်ရာ အရင်းအမြစ်များ၊ ရေရှည်ဖွံ့ဖြိုးတိုးတက်မှုဆိုင်ရာ ဒေသတွင်း အသက်မွေးဝမ်းကျောင်း များနှင့် လူ့အခွင့်အရေး စသည်တို့အပေါ် သက်ရောက်မှုများအကြောင်းကို မြန်မာနိုင်ငံတွင်းရှိ ဒေသတွင်း မီဒီယာနှင့် အရပ်ဘက်အဖွဲ့အစည်းများ ပိုမိုသိမြင်လာစေရန် စသည့် ဦးတည်ချက်များကို အဓိကထား ဆွေးနွေးမည် ဖြစ်သည်။
အလုပ်ရုံဆွေးနွေးပွဲမှ ဘုံသဘောတူသော အတွေးအမြင်များကို အာဆီယံ ပြည်သူ့ဖိုရမ်သို့ ပြန်လည်တင် ပြမည်ဖြစ်သည်။ မြန်မာ၊ ထိုင်း၊ ကမ္ဘောဒီးယား၊ ဗီယက်နမ်နိုင်ငံများမှ အရပ်ဘက်အဖွဲ့အစည်းများ၊ ပညာ ရှင်များ ပါဝင်ဆွေးနွေးမည်ဟု သိရသည်။
from Mizzima - News in Burmese's Facebook Wall http://ift.tt/Oz8ooK
Comments
Post a Comment