ဥရောပသမဂ္ဂ ငြိမ်းချမ်းရေး တပ်ဖွဲ့များစေလွှတ်
အေအက်ဖ်ပီ
ဘန်ကွေး၊ မတ် ၃၀
ဗဟိုအာဖရိကနိုင်ငံတွင်းရှိ မြင့်တက်လာသော အကြမ်းဖက်မှုများကို လျှော့ချရန်အတွက် ငြိမ်းချမ်းရေး ထိန်း သိမ်းရေးတပ်ဖွဲ့ဝင်များကို ချထားပေးရန် အသင့်ဖြစ်နေပြီဟု ဥရောပသမဂ္ဂက ပြောကြားလိုက်သည်ဟု မတ်လ ၃၀ ရက်က အေအက်ဖ်ပီ သတင်းတစ်ရပ်တွင် ဖော်ပြထားသည်။
ယင်းတပ်ဖွဲ့အား လွန်ခဲ့သော ရက်သတ္တပတ်ကတည်းက ချထားပေးရန် ဖြစ်သော်လည်း တပ်သားမလုံ လောက်ခြင်းနှင့် သယ်ယူပို့ဆောင်ရန် လေယာဉ်မလုံလောက်မှုတို့ကြောင့် ရွှေ့ဆိုင်းခဲ့ရသည်။
ပြင်သစ်နိုင်ငံမှ ကူညီထောက်ပံ့မှုများ ထပ်မံပြုလုပ်သည့်သတင်းထွက်ပေါ်လာပြီးနောက်၌ “စစ်ဆင်ရေးတပ် မှူးက ဒီစစ်ဆင်ရေးကိုစတင်ဖို့ ထောက်ခံချက်ပေးခဲ့ပြီး ဘန်ကွေးမြို့ရှိ ငြိမ်းချမ်းရေး တပ်ဖွဲ့ဝင်တွေ တဖြည်း ဖြည်းချင်း တိုးလာဖို့ မျှော်လင့်လို့ ရပါပြီ” ဟု အီးယူ နိုင်ငံခြားရေးရာ မူဝါဒအကြီးအကဲ ကက်သရင်းအက်ရှ် တန်၏ ပြောခွင့်ရပုဂ်္ဂိုလ် အမျိုးသမီးတစ်ဦးက ပြောကြားလိုက်သည်။
စစ်ဆင်ရေး စတင်မည့်နေ့ကို ဧပြီ ၃ ရက်၌ပြုလုပ်မည့် ဥရောပသမဂ္ဂအဖွဲ့ဝင်များ၏ အစည်းအဝေးပွဲပြီး နောက်တစ်နေ့၌ ကြေညာလိမ့်မည် ဖြစ်သည်။
from Mizzima - News in Burmese's Facebook Wall http://ift.tt/1gSnH80
Comments
Post a Comment