ဘင်္ဂလားဒေ့ရ်ှသံရုံးရှေ့တွင် ယနေ့ဆန္ဒပြမည်
ရန်ကုန်၊ မတ် ၂၅
ရခိုင်ပြည်နယ် စစ်တွေ၊ မောင်တော ဒေသများကို ဘင်္ဂလားဒေ့ရ်ှနိုင်ငံ နယ်နိမိတ်ထဲ ထည့်သွင်းရန် ဘင်္ဂလားဒေ့ရှ် အခြေစိုက် Dahaka Tribune သတင်းဌာနက ရေးသားဖော်ပြချက်ကို ကန့်ကွက်သည့် အနေနှင့် ရခိုင်တိုင်းရင်းသားများ အပါအဝင် အမျိုးသားရေး တက်ကြွ လှုပ်ရှားသူများက ယနေ့ (မတ်လ ၂၆ ရက်နေ့) တွင် မြန်မာနိုင်ငံရှိ ဘင်္ဂလားဒေ့ရှ် သံရုံးအရှေ့၌ ဆန္ဒပြမည် ဖြစ်ကြောင်း ရခိုင်လူငယ်များအဖွဲ့မှ ဦးဖိုးသားက ပြောကြားသည်။
Dahaka Tribune သတင်းဌာနက ရေးသားဖော်ပြချက်ကို ကန့်ကွက်ခြင်းနှင့် သန်းခေါင်စာရင်းတွင် ရိုဟင်ဂျာဟု ထည့်သွင်းကောက်ခံခြင်း မပြုရန်တို့အတွက် ဆန္ဒပြခြင်းဖြစ်ပြီး လူဦးရေ အနည်းဆုံး နှစ်ထောင်ခန့် ပါဝင်နိုင်ကြောင်း ၎င်းကဆိုသည်။
“အခုဆန္ဒပြတာက ရခိုင်တစ်ခုတည်း မဟုတ်ဘူး။ တိုင်းရင်းသား ညီအစ်ကိုအားလုံး ပါဝင်မယ်” ဟု ဦးဖိုးသားက ပြောဆိုသည်။
Dahaka Tribune သတင်းဌာနက မတ်လ ၂၀ ရက်နေ့က ဖော်ပြခဲ့သည့် ‘ရခိုင်ပြည်နယ်တွင် လူထုဆန္ဒခံယူမှု လုပ်ရန်လိုပြီလား’ အမည်ရ ဆောင်းပါးသည် မြန်မာနိုင်ငံ၏ အချုပ်အခြာ အာဏာကို ထိခိုက်စေခြင်း၊ နှစ်နိုင်ငံ ချစ်ကြည်ရေးကို ထိခိုက်စေခြင်း၊ မြန်မာနိုင်ငံ၏ ပြည်တွင်းရေး မတည်ငြိမ်မှု ဖြစ်စေရန် သွေးထိုးလှုံ့ဆော်ရာ ရောက်စေသဖြင့် မြန်မာအစိုးရကလည်း ပြင်းပြင်းထန်ထန် ကန့်ကွက်ထားသည်။
အဆိုဆောင်းပါး ဖော်ပြမှုကြောင့် မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီး Maj. Gen Anup Kumar Chakma ကို နိုင်ငံခြားရေး ဝန်ကြီးဌာနက မတ်လ ၂၄ ရက်နေ့တွင် နေပြည်တော်သို့ ခေါ်ယူ၍ သတိထောက်လွှာပေးခဲ့ပြီး ဒါကာမြို့ရှိ မြန်မာ သံအမတ်ကြီး ဦးမျိုးမြင့်သန်းကလည်း ဘင်္ဂလားဒေ့ရှ် နိုင်ငံခြားရေး ဝန်ကြီးဌာနကို သတိထောက်လွှာ ပေးခဲ့ကြောင်း မတ်လ ၂၅ ရက်နေ့ထုတ် နိုင်ငံပိုင် သတင်းစာများတွင် ဖော်ပြသည်။
ဘင်္ဂါလီ (မူရင်းအသုံး -ရိုဟင်ဂျာ) များသည် နှိပ်စက်ခံရမှု၊ ခွဲခြားဆက်ဆံခံရမှု၊ နိုင်ငံသားဖြစ်ခွင့်၊ မဲပေးခွင့် ငြင်းပယ်ခံရမှု၊ ကလေးနှစ်ဦးသာ မွေးဖွားခွင့်ရှိမှု စသည့်ပြဿနာများမှာ ဖြေရှင်းရန် မလွယ်ကူကြောင်း၊ ယင်းပြဿနာကို ဖြေရှင်းရန် တစ်ခုတည်းသော နည်းလမ်းမှာ ယူကရိန်း ကရိုင်းမီးယားဒေသကဲ့သို့ စစ်တွေ၊ မောင်တော ဒေသများကို လူထုဆန္ဒခံယူကာ ရခိုင်ပြည်နယ်က ခွဲထုတ်၍ ဘင်္ဂလားဒေ့ရှ် နယ်နိမိတ် စစ်တကောင်းဒေသနှင့် ပူးပေါင်းရန် ဖြစ်ကြောင်း Dahaka Tribune သတင်းဌာနက ဖော်ပြခဲ့သည်။
‘ရခိုင်ပြည်နယ်တွင် လူထုဆန္ဒ ခံယူမှု လုပ်ရန်လိုပြီလား’ အမည်ရ အဆိုပါဆောင်းပါးကို Zeeshan Khan ဆိုသူက ရေးသားခဲ့ပြီး Dahaka Tribune က မတ်လ ၂၀ ရက်နေ့တွင် ဖော်ပြခဲ့သည်။
ဘင်္ဂလားဒေ့ရှ် သံရုံးသည် ရန်ကုန်မြို့တော် သံလွင်လမ်း အမှတ် ၁၁ (ဘီ) တွင် တည်ရှိသည်။
from The Voice Weekly's Facebook Wall http://ift.tt/1ry4xr2
Comments
Post a Comment