လေးမျက်နှာနှင့် အင်္ဂပူမြို့တို့တွင် အမျိူးဘာသာ သာသနာ ထိန်းသိမ်း စောင့်ရှောက်ရေးအဖွဲ့ စတင်ဖွဲ့စည်း
ဟင်္သာတ၊ မတ် ၂၂
ဧရာဝတီတိုင်းဒေသကြီး လေးမျက်နှာနှင့် အင်္ဂပူမြို့တို့တွင် အမျိုးဘာသာ သာသနာ ထိန်းသိမ်း စောင့်ရှောက်ရေး အဖွဲ့များကို မတ်လ ၂၁ ရက်က လေးမျက်နှာ မြို့နယ် ကုန်းကြီးအုပ်စု သရက်တော ကျောင်းတိုက်၌ ဆရာတော်ကြီးများ၏ သြဝါဒကို ခံယူကာ သံဃာတော်များ၊ လူပုဂ္ဂိုလ်များ စုပေါင်း ဖွဲ့စည်းခဲ့ကြောင်း အစည်းအဝေး တက်ရောက်သူ ဒေသခံများက ပြောကြားသည်။
ဧရာဝတီတိုင်းဒေသကြီး မြို့နယ်များ အားလုံး၌ အမျိုးဘာသာ သာသနာ ထိန်းသိမ်း စောင့်ရှောက်ရေး အဖွဲ့များ ဖွဲ့စည်းထားသော်လည်း အင်္ဂပူမြို့နယ်၊ လေးမျက်နှာ မြို့နယ်တို့တွင် ဖွဲ့စည်းရန် ကျန်ရှိနေသဖြင့် လေးမျက်နှာ မြို့နယ်မှ ဗဟိုသံဃာ့ဝန်ဆောင် ဆရာတော် ဘဒ္ဒန္တအရှင်ပဏ္ဍိတ၏ သြဝါဒ ခံယူကာ ဆွေးနွေး ညှိနှိုင်းခဲ့ပြီး မြို့နယ် အတွင်းရှိ ဘုန်းတော်ကြီးကျောင်း ၁၉၂ ကျောင်းမှ သံဃာအပါး တစ်ရာကျော်နှင့် ကျေးရွာအုပ်စုပေါင်း ၄၆ အုပ်စုမှ လူဦးရေ တစ်ရာကျော် တက်ရောက်ခဲ့သည်ဟု ဒေသခံများက ဆိုသည်။
မြို့နယ်အဆင့် ပထမဆုံး ဖွဲ့စည်းသော အမျိုးဘာသာ၊ သာသနာ ထိန်းသိမ်း စောင့်ရှောက်ရေး အဖွဲ့အနေနှင့် ဗုဒ္ဓဝါဒနှင့် မဆီလျော်သော အကြမ်းဖက်ခြင်းနှင့် အကြမ်းဖက်မှု ဖြစ်ပွားရန် လှုံ့ဆော်ခြင်းတို့ကို ကန့်ကွက်ခြင်း၊ ဘာသာသာသနာ တိုးတက် စွမ်းဆောင်ရေး၊ မြန်မာတိုင်းရင်းသား တို့၏ ဘိုးဘွား အမွေအနှစ်များ ထိန်းသိမ်း စောင့်ရှောက်ရေး လုပ်ငန်းများကိုသာ လုပ်ဆောင်သွားမည် ဖြစ်ပြီး နိုင်ငံရေးပါတီ အဖွဲ့အစည်းများကို အားပေးကူညီခြင်း၊ ဝင်ရောက်စွက်ဖက်ခြင်း၊ ရှုတ်ချခြင်း၊ မဲဆွယ်စည်းရုံးခြင်း လုပ်ငန်းများကို ပြုလုပ်မည် မဟုတ်ကြောင်း အစည်းအဝေး တက်ရောက်သူ ဦးဝင်းခိုင်စိုးက ပြောကြားသည်။
from The Voice Weekly's Facebook Wall http://ift.tt/1f5cbk4
Comments
Post a Comment