ဗင်နီဇွဲလားဆန်္ဒပြပွဲအတွင်း သေဆုံးသူ ၃၉ ဦးရှိပြီဖြစ်
အေအက်ဖ်ပီ
ကရာကက်စ်၊ မတ် ၃၀
ဗင်နီဇွဲလားအစိုးရကို ဆန့်ကျင်သည့် ဆန္ဒပြမှုများအတွင်း လူနှစ်ဦးထပ်မံသေဆုံးခဲ့သောကြောင့် ရက်သတ္တ ပတ်ပေါင်းများစွာ ဖြစ်ပွားနေသော ဆန္ဒပြမှုများအတွင်း သေဆုံးခဲ့သူဦးရေမှာ ၃၉ ဦးအထိ မြင့်တက်လာခဲ့ ပြီဟု ပြည်ထဲရေးဝန်ကြီး မီဂူရယ်ရိုဒရီဂွက်ဇ်က ပြောကြားလိုက်သည်ဟု မတ်လ ၃၀ ရက်က အေအက်ဖ်ပီ သတင်းတစ်ရပ်တွင် ဖော်ပြထားသည်။
အဆိုးရွားဆုံးသော အကြမ်းဖက်မှုများ ပေါ်ပေါက်ခဲ့သည့် အစိုးရဆန့်ကျင်ရေး လှုပ်ရှားမှုအတွင်း ဆန်ခရစ် စတိုဖယ်မြို့ရှိ ဆန္ဒပြသမားများက အတားအဆီးအဖြစ် အသုံးပြုရန် သယ်ဆောင်လာသည့် ကြေးနန်း ကြိုးတစ်ခုဖြင့်ချိတ်မိကာ အသက် ၄၄ နှစ်အရွယ် အမျိုးသားတစ်ဦး သေဆုံးခဲ့သည် ကို နိုင်ငံပိုင်ရုပ်သံ ဗီတီ ဗီတွင် ထုတ်လွှင့်ပြသခဲ့သည့်။
သမ္မတမာဒူရို၏ လက်ဝဲအစိုးရမှာ ဖေဖော်ဝါရီ ၄ ရက်မှစတင်ပြီး ဆန္ဒပြမှုများ ကို နေ့စဉ်တွေ့ကြုံလျက်ရှိ သည်။ ပြည်သူများက နိုင်ငံအတွင်း စားနပ်ရိက်္ခာ မလုံလောက်မှု၊ ငွေကြေးဖောင်းပွမှုနှင့် ရာဇ၀တ်မှုများ မြင့်တာလာခြင်းကြောင့် ယင်းကဲ့သို့ ဒေါသတကြီး ဆန်္ဒပြနေကြခြင်း ဖြစ်သည်။
ကွယ်လွန်သွားပြီဖြစ်သော လက်ဝဲယိမ်းသမ္မတ ဟူဂိုးချာဗစ်ဇ်၏ သမ္မတရာထူးကို ဆက်ခံထားသော သမ္မတမာဒူရိုကမူ ဆန္ဒပြပွဲများမှာ ၎င်း၏အစိုးရကို ဖယ်ရှားရန်အတွက် အမေရိကန်ကြိုးကိုင်သည့် “ဖက် ဆစ်ဆန်သော”” လုပ်ရပ်များသာ ဖြစ်သည် ဟု ပြောဆိုလိုက်သည်။
မတ်လ ၂၉ ရက်၌ ရာပေါင်းများစွာသော အစိုးရထောက်ခံသူ ဆန္ဒပြသမားများ နှင့် ဆန့်ကျင်ရေး ဆန္ဒပြ သမားများ မြို့တော်ကရာကက်စ်၌ ဆန္ဒပြခဲ့ကြသည်။
from Mizzima - News in Burmese's Facebook Wall http://ift.tt/1gSnFgl
Comments
Post a Comment