နည်းပြသင်တန်းအတွက် ဘောလုံးအဖွဲ့ချုပ် ထောက်ပံ့မည်
ရဲရင့်ဌေး
မြန်မာနိုင်ငံမှ ဘောလုံးနည်းပြများအနေဖြင့် လက်ရွေးစင်အသင်းများနှင့် နိုင်ငံတကာ ဘောလုံးကလပ် အသင်းများကို ကိုင်တွယ်ခွင့်ရရန် ပရိုလိုင်စင်ရှိရန် လိုအပ်နေပြီး ဒေါ်လာတစ်သိန်းခန့်ကုန်ကျမည့် ၎င်း လိုင်စင် သင်တန်းအတွက် ဘောလုံးအဖွဲ့ချုပ်မှ ကူညီထောက်ပံ့မည်ဟု မြန်မာနိုင်ငံဘောလုံးအဖွဲ့ချုပ် ဒု-ဥက္ကဋ္ဌ ဦးတင်အောင်က ဆိုသည်။
“ကျွန်တော်တို့နိုင်ငံမှာ နည်းပြတွေ အခန်းကဏ္ဍက အရေးကြီးပါတယ်။ကျွန်တော်တို့ဆီမှာ ပရိုလိုင်စင်ရတဲ့ နည်းပြ တစ်ယောက်မှ မရှိသေးပါဘူး။ ဒါကြောင့် လူငယ်နည်းပြတွေ ပရိုလိုင်စင်ရဖို့အတွက် အဖွဲ့ချုပ်ဘက် က လိုအပ်ချက်တချို့ကို ကူညီဖြည့်ဆည်းပေးဖို့ စီစဉ်နေပါတယ်။ ငွေကြေးပိုင်းဆိုင်ရာမှာ ထောက်ပံ့သွား မယ်။ ပြည်တွင်းမှာ သင်တန်းတွေဖွင့်နိုင်အောင် ကြိုးစားသွားမယ်။ နိုင်ငံခြားသား နည်းပြတွေလိုပဲ မြန်မာ နည်းပြတွေကိုလည်း အဆင့်မီနည်းပြတွေ ဖြစ်စေချင်ပါတယ်”ဟု ဦးတင်အောင်က ဆိုသည်။ ပရိုလိုင်စင် နည်းပြသင်တန်း တက်ခွင့်ရရန်အတွက် AFC အသိအမှတ်ပြု A လိုင်စင်ရရန် လိုအပ်ပြီး ယခုနှစ်အတွင်း မြန်မာနိုင်ငံတွင် A လိုင်စင်နည်းပြသင်တန်း ဖွင့်လှစ်နိုင်ရန်အတွက်လည်း မြန်မာနိုင်ငံဘောလုံးအဖွဲ့ချုပ်က ဆောင်ရွက်နေသည်။
from Mizzima - News in Burmese's Facebook Wall http://ift.tt/NzbWGl
Comments
Post a Comment