မြန်မာနိုင်ငံ၏ ငွေကြေးဆိုင်ရာလုပ်ငန်းနှင့်စာရင်းကိုင်လုပ်ငန်း စွမ်းရည်မြှင့်တင်ေ...

မြန်မာနိုင်ငံ၏ ငွေကြေးဆိုင်ရာလုပ်ငန်းနှင့်စာရင်းကိုင်လုပ်ငန်း စွမ်းရည်မြှင့်တင်ရေးအတွက်

ကုန်သည်များနှင့် စက်မှူလက်မှူ လုပ်ငန်းရှင်များအသင်းချူပ် နှင့်

လန်ဒန်အခြေစိုက် ACCA တို့

နားလည်မှုစာချွန်လွှာ ရေးထိုး



ရန်ကုန်-မတ်၁၇



မြန်မာနိုင်ငံ၏ ငွေကြေးဆိုင်ရာလုပ်ငန်းနှင့်စာရင်းကိုင်လုပ်ငန်း စွမ်းရည်မြှင့်တင်ရေး၊အုပ်ချူပ်မှုနှင့် ကျင့်ဝတ်ဆိုင်ရာမြှင့်တင်နိင်ရေး ၊ စီးပွားေးရးလုပ်ငန်းများ ဖွံ့ဖြိုးတိုးတက်ရေးနှင့် အပြန်အလှန် ပူးပေါင်းဆောင်ရွက်ရေး ရည်ရွယ်၍ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှူလက်မှူ လုပ်ငန်းရှင်များအသင်းချူပ် နှင့် လန်ဒန်အခြေစိုက် The Association of Chartered Certified Accountants (ACCA) တို့သည်

မတ်လ ၁၆ရက်နေ့ နံနက်ပိုင်းက ရန်ကုန်မြို့ နတ်မောက်လမ်းရှိ Chatrium Hotelတွင် နားလည်မှုစာချွန်လွှာ (MOU) ရေးထိုးပွဲကို ကျင်းပခဲ့သည်။

ACCA ၏ Head of Emerging Markets – ASIA , Mr.Reza Ali က “The Role of Finance Professionals in Building a Strong and Sustainable Economy” ခေါင်းစဉ်ဖြင့် မြန်မာနိုင်ငံ၏ ဖွံ့ဖြိုးစဈေးကွက်တွင် ငွေကြေးဆိုင်ရာနှင့်စာရင်းကိုင်ပညာ တို့အား အခြေခံအုတ်မြစ်ကောင်းထားရှိ၍ စီးပွားရေးဖွံ့ဖြိုးတိုးတက်အောင်ဆောင်ရွက်နိုင်ကြောင်း၊ နိုင်ငံတကာစံနှုန်းအဆင့်မီမှီ ငွေကြေး နှင့် စာရင်းကိုင်ပညာကို ကျင့်သုံးခြင်းဖြင့် ရင်နှီးမြှပ်နှံမှုအခွင့်အလမ်းများပိုမိုရရှိနိုင်ကြောင်း၊ ယခုအခါ ကမ္ဘာကျော်စီးပွားရေးလုပ်ငန်းများမှ CEO အများစုသည် ယခင်က CFO ဟုခေါ်သည့် ငွေစာရင်း အရာရှိများဖြစ်ကြကြောင်း၊ စီးပွားရေးလုပ်ငန်းရှင် ၉၀% ကျော်ကလည်း စာရင်းကိုင်ပညာကို မဖြစ်မနေတတ် ကျွမ်းရမည့် ပညာဟုရှုမြင်၍သင်ယူလာကြကြောင်း စသည်ဖြင့် တင်ပြဆွေးနွေးခဲ့သည်။

ဆက်လက်၍ ACCA နှင့် ကုန်သည်စက်မှူအသင်းချူပ်တို့၏ ပူးတွဲ သုသေသနလုပ်ငန်း များဆောင်ရွက်ရန်၊ နည်းပညာဦးဆောင်မှုဆိုင်ရာအတွေးအခေါ်များနှင့်ပတ်သက်၍ စာအုပ်စာတမ်းပြုစုသွားရန်၊ သင်တန်းများ၊ ဖိုရမ်များ၊ Conference များ၊ သင်တန်းကျောင်းများ ဖွင့်လှစ်နိုင်ရေးအတွက်ပူးပေါင်း ဆောင်ရွက်ရန၊် နည်းပညာအထောက်အပံ့နှင့် အကူအညီများစီစဉ်ပေးရန် စသည့်အချက်များပါဝင်သည့် နားလည်မှုစာချွန်လွှာ (MoU) အားကုန်သည်စက်မှူအသင်းချုပ်ဥက္ကဌ ဦးဝင်းအောင်၊ ဒုတိယဥက္ကဌ Dr. မောင်မောင်လေး နှင့် ACCA, Emerging Markets Director Ms.Lucia Real Martin နှင့် Head of Emerging Markets - ASIA , Mr.Reza Ali တို့ကလက်မှတ်ရေးထိုးခဲ့ကြသည်။

အဆိုပါ နားလည်မှုစာချွန်လွှာ (MoU)ရေးထိုးပွဲသို့ ကုန်သည်စက်မှူအသင်းချုပ်ဥက္ကဌ ဦးဝင်းအောင်၊ဒုတိယဥက္ကဌ များဖြစ်ကြသော ဦးဇော်မင်းဝင်း၊Dr. မောင်မောင်လေး၊ဦးမြဟန်၊ ဦးသိန်းဟန်၊ ACCA, Emerging Markets Director Ms.Lucia Real Martin နှင့် Head of Emerging Markets - ASIA , Mr.Reza Ali ၊ MICPA မှဦးဝင်းသင်၊တာဝန်ရှိသူများနှင့် ဖိတ်ကြားထားသူများတက်ရောက်ခဲ့ကြသည်။

လန်ဒန်အခြေစိုက် ACCA သည် စာရင်းကိုင်ပညာရှင်များဖြင့် ဖွဲ့စည်းထားသည့် အဖွဲ့အစည်း တစ်ခုဖြစ်ပြီး နိုင်ငံပေါင်း(၁၇၃) နိုင်ငံတွင် ကျောင်းသားပေါင်း (၄၂၈,၀၀၀) နှင့် အသင်းဝင်ပေါင်း (၁၆၂,၀၀၀) ရှိသည်။ ကုန်သည်စက်မှုအသင်းချုပ်သည် ၂၀၀၀ ပြည့်နှစ်မှစတင်၍ လူ့စွမ်းအားအရင်းအမြစ်တိုးတက် စေရန် ရည်ရွယ်၍ UMFCCI Training Center ကိုဖွင့်လှစ်ကာ နိုင်ငံတကာစီးပွားရေးဆိုင်ရာသင်တန်းများကို ၄လတစ်ကြိမ်ပုံမှန် ဖွင့်လှစ်ပို့ချပေးလျက်ရှိသည်။





from Popular Myanmar News Journal's Facebook Wall http://ift.tt/1mbQbLV