ယူနန်အခြေစိုက် သတင်းဌာန မင်္ဂလာမြန်မာရုံးခွဲ မြန်မာနိုင်ငံတွင် ဖွင့်မည်
ရန်ကုန်၊ မတ် ၂၃
တရုတ်ပြည်သူ့သမ္မတနိုင်ငံ ယူနန်ပြည်နယ် အစိုးရအောက်ရှိ ကူမင်း အခြေစိုက် တရုတ်သတင်းဌာန တစ်ခုဖြစ်သော မင်္ဂလာမြန်မာ သတင်းဌာနက ရန်ကုန်မြို့တွင် ရုံးခွဲတစ်ခုကို ယခုနှစ် ဧပြီလအတွင်း ဖွင့်လှစ်သွားမည် ဖြစ်ကြောင်း အဆိုပါ သတင်းဌာန ရုံးအဖွဲ့မှူးက ပြောကြားသည်။
တရုတ်နိုင်ငံ၏ တစ်ခုတည်းသော မြန်မာသတင်း ဌာနကို မြန်မာနိုင်ငံ ပြန်ကြားရေး ဝန်ကြီးဌာနက ရုံးခန်း လာရောက် ဖွင့်လှစ်နိုင်ပြီ ဖြစ်ကြောင်း မတ်လ ၁၀ ရက်နေ့က ခွင့်ပြုချက် အကြောင်းကြားစာ ပေးပို့ခဲ့ကြောင်း ၎င်းက ဆက်လက် ပြောကြားသည်။
တရုတ်ပြည် ပြုပြင်ပြောင်းလဲရေး ပြုလုပ်ပြီး နောက်ပိုင်း စီးပွားရေး၊ လူမှုရေး၊ ယဉ်ကျေးမှု စသော ကဏ္ဍများကို တရုတ်-မြန်မာ ချစ်ကြည်ရေးကို အဓိကထား ဖော်ပြသော မဂ္ဂဇင်း ဖြစ်သည့်အပြင် www.yunnan gateway.com ဟူသည့် အင်တာနက် စာမျက်နှာကို ဖွင့်လှစ်ထားပြီး မြန်မာ၊ ထိုင်း၊ လာအို၊ ကမ္ဘောဒီးယား ဘာသာစကားများဖြင့် သတင်းများ လွှင့်တင်ကြောင်း ၎င်းကဆိုသည်။
“ဧပြီ ၃ ရက်နေ့မှာ အသိပေး ရှင်းလင်းပွဲ ရန်ကုန်မှာ လုပ်ဖို့ရှိတယ်” ဟု ပြောဆိုသော်လည်း နေရာနှင့် လုပ်ငန်း ဆောင်ရွက်ရန် အခြေအနေကိုမူ ၎င်းက ပြောကြားခြင်း မရှိပေ။
အဆိုပါ မဂ္ဂဇင်းမှာ တစ်လလျှင် အုပ်ရေ တစ်သောင်းကျော်ကို မြန်မာနိုင်ငံသို့ အခမဲ့ ပို့ပေးပြီး မန္တလေးမှ တစ်ဆင့် ဖြန့်ချိကြောင်း အဆိုပါ သတင်းဌာန အယ်ဒီတာ တစ်ဦးက ဆိုသည်။
မြန်မာနိုင်ငံတွင် ၂၀၁၁ ခုနှစ်အတွင်း အစိုးရသစ် တက်လာပြီး နိုင်ငံရေး အပြောင်းအလဲများနှင့်အတူ သတင်းမီဒီယာများ အပေါ် ထိန်းချုပ်မှု အချို့ လျှော့ပေါ့လာခဲ့ပြီး နောက်ပိုင်း VOA အပါအဝင် ပြည်ပ သတင်းဌာနများ ဖြစ်သော RFA၊ DVB၊ AFP၊ AP၊ Reuters၊ Channel News Asia နှင့် မဇ္ဈိမ စသော သတင်းဌာနများသည် ၂၀၁၂-၂၀၁၃ ခုနှစ် ကာလအတွင်း မြန်မာနိုင်ငံတွင် ရုံးခွဲများ ဖွင့်လှစ်ခဲ့သည်။
from The Voice Weekly's Facebook Wall http://ift.tt/1jl5uBK
Comments
Post a Comment