လာအိုအစိုးရသစ် ကုန်သွယ်မှုကို ထိန်းချုပ်သွားမည်
ဆင်ဟွာ
ဗီယံကျင်း၊ မတ် ၂၃
လာအိုအစိုးရအဖွဲ့သည် သစ်ကုန်သွယ်မှုကို ထိန်းချုပ်သွားမည်ဖြစ်ပြီး တရားမ၀င် သစ်တင်ပို့ခြင်းမှ တစ်ဆင့် အခွန်ငွေများ ဆုံးရှုံးမှုမရှိစေရန်လည်း ကျယ်ကျယ်ပြန့်ပြန့် လုပ်ဆောင်သွားမည် ဖြစ်ကြောင်း လာအိုနိုင်ငံရှိ တရုတ်သံရုံး၏ စီးပွားရေးနှင့် ကုန်သွယ်မှုဆိုင်ရာ ကောင်စစ်ဝန်၏ ၀က်ဘ်ဆိုက်တွင် မတ် ၁၉ ရက်က ဖော်သည်ဟု ဆင်ဟွာသတင်းဌာနက မတ်လ ၂၀ ရက်တွင် ရေးသားဖော်ပြသည်။
လာအို ပြည်သူများထံမှ ရှားပါးသစ်များမှ ၀ယ်ယူရန် ကြိုးပမ်းနေသော ကုမ္ပဏီများကို လာအိုအစိုးရက သတိပေးချက် ထုတ်ပြန်ရာတွင် အထက်ပါအတိုင်း ထည့်သွင်းဖော်ပြခဲ့ခြင်း ဖြစ်သည်။
၎င်းအပြင် တရားမ၀င်သစ်ခုတ်ခြင်းနှင့် သစ်ကုန်သွယ်မှုများ ပြုလုပ်ရာတွင်ပါဝင်သော အစိုးရအဖွဲ့အရာရှိ များကိုလည်း ပြင်းထန်သော ပြစ်ဒဏ်များ ချမှတ်သွားမည်ဖြစ်သည်ဟု သတိပေးထုတ်ပြန်ခဲ့သည်။
ပြည်တွင်း စည်းမျဉ်းစည်းကမ်းများကို လိုက်နာခြင်းမရှိသည့် ပြည်တွင်းပြည်ပကုန်သည်များ အပေါ်တွင် လည်း ပြင်းထန်သော အပြစ်ပေးမှုများ လုပ်ဆောင်သွားမည်ဟု ဆိုသည်။
လာအိုနိုင်ငံနှင့် စီးပွားရေးအရ သစ်ကုန်သွယ်မှုတွင် ပါဝင်သော တရုတ်ကုမ္ပဏီများအနေဖြင့် ပြည်တွင်း ဥပဒေများကို တစ်လေးတစ်စား လိုက်နာသင့်ကြောင်း လာအိုနိုင်ငံ တရုတ်သံရုံးရှိ စီးပွားရေး နှင့်ကုန်သွယ် မှုဆိုင်ရာ အတိုင်အပင်ခံရုံးက အကြံပြု ထားသည်။
၂၀၁၃ ခုနှစ်အတွင်း တရားမ၀င် သစ်ကုန်သွယ်မှုတွင် စီးပွားရေးနှင့် စပ်သောရာဇ၀တ်မှု ၄၆ ရာခိုင်နှုန်းရှိ ကြောင်း လာအို ပြည်သူ့လုံခြုံရေးဝန်ကြီးဌာနက ထုတ်ပြန်သော ကိန်းဂဏန်းများအရ သိရသည်။
လာအိုနိုင်ငံသည် ကမ္ဘာလုံးဆိုင်ရာ သစ်တောဖုံးလွှမ်းမှု ရာခိုင်နှုန်းအများဆုံး နိုင်ငံတစ်နိုင်ငံဖြစ်ခဲ့ပြီး ၁၉၄၀ ခုနှစ်တွင် ခန့်မှန်းခြေအားဖြင့် နိုင်ငံကုန်းမြေ ဧရိယာ၏ ၇၀ ရာခိုင်နှုန်းသည် သစ်တောများ ဖုံးလွှမ်းခဲ့သည်။ ၁၉၉၂ ခုနှစ်မတိုင်မီ သစ်တောဖုံးလွှမ်းမှု ရာခိုင်နှုန်းသည် ၄၇ ရာခိုင်နှုန်းအထိ ကျဆင်းခဲ့ပြီး ၂၀၁၀ ခုနှစ် မတိုင်မီတွင် ၄၀ ရာခိုင်နှုန်းအထိ ထပ်မံကျဆင်းခဲ့သည်ဟု ဆင်ဟွာသတင်းဌာနက ဆိုသည်။
from Mizzima - News in Burmese's Facebook Wall http://ift.tt/1rlIC6w
Comments
Post a Comment