အခွန်ဥပဒေကြမ်းနှစ်ခု လွှတ်တော်အမတ်များ တင်ပြချက်ပယ်၍ မူလအတိုင်းအတည်ပြု
နေပြည်တော်၊ မတ် ၁၁
မြန်မာ့အခွန်ကောက်ခံရေးစနစ် အသက်ပြန်သွင်းရန် အရေးကြီးသည့် ဥပဒေအဖြစ် ပညာရှင်အချို့ ထောက်ပြထားသော ကုန်သွယ် လုပ်ငန်းခွန် ဥပဒေကြမ်းနှင့် ဝင်ငွေခွန် ဥပဒေတို့ကို ပြည်ထောင်စု လွှတ်တော်အတွင်း ဆွေးနွေးရာတွင် လွှတ်တော် ကိုယ်စားလှယ်များ၏ တင်ပြချက်များကို ပယ်၍ အစိုးရက မူလရေးဆွဲထားသည့် ပြဋ္ဌာန်းချက်များ အတိုင်းသာ ပြည်ထောင်စုလွှတ်တော်က အတည်ပြု ဆုံးဖြတ်လိုက်သည်။
ယင်းဥပဒေ နှစ်ခုကို ယနေ့ (မတ်၁၁) ကျင်းပသော ပြည်ထောင်စု လွှတ်တော်တွင် အတည်ပြုလိုက်ခြင်း ဖြစ်သည်။
ဒဂုံမြို့သစ်မြောက်ပိုင်း မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်တင်နွယ်ဦး၊ ဧရာဝတီ အမှတ် (၆)မှ အမျိုးသားလွှတ်တော် ကိုယ်စားလှယ် ဦးခင်မောင်ရီနှင့် ပေါက်တော မဲဆန္ဒနယ်မှ အမျိုးသားလွှတ်တော် ကိုယ်စားလှယ် ဦးထွန်းအောင်ခိုင်တို့က ဥပဒေကြမ်း နှစ်ခုပါ ပြဋ္ဌာန်းချက်များကို ဖြည့်စွက်ရန်နှင့် ပြန်လည် ပြင်ဆင်ရန် အချက် ၂၀ ခန့် တင်ပြခဲ့သော်လည်း လွှတ်တော်က မူလပြဋ္ဌာန်းချက်များအတိုင်း အတည်ပြုခဲ့ကြောင်း ဥပဒေကြမ်း ကော်မတီ အတွင်းရေးမှူး ဦးစောလှထွန်းက ဆိုသည်။
“အခုပြင်ဆင်ဖို့ ပြောတဲ့သူတွေ့ရဲ့ တင်ပြချက်တွေထဲက တစ်ခုမှ အတည်မဖြစ်လိုက်ပါဘူး။ ဒါကိုလည်း လွှတ်တော်က အတည်ပြု ဆုံးဖြတ်လိုက်တာပါ” ဟု ၎င်းကဆိုသည်။
ယင်းဥပဒေပါ ပြဋ္ဌာန်းချက်များကို ပြင်ဆင်ရန် မူလက အကြိုညှိနှိုင်းထားရန် စီစဉ်ခဲ့ခြင်း ဖြစ်ပြီး ယနေ့ ပြင်ဆင်ရန် တင်ပြသည့် ကိုယ်စားလှယ်များသည် လာရောက် ညှိနှိုင်းခဲ့ခြင်း မရှိကြောင်း ရေဖြူမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဝင်းဦးက ပြောကြားသည်။
“သူတို့က လွှတ်တော်ထဲမှာပဲ ဆွေးနွေး တင်ပြမယ်ဆိုတယ်။ ပြင်ဆင်ချင်တဲ့ သူတွေ၊ ဝန်ကြီးဌာနနဲ့ ကော်မတီတွေ အကြိုညှိနှိုင်းကြတော့ သူတို့မပါကြဘူး” ဟု ညှိနှိုင်းသည့် အချိန်တွင် ပါဝင်ခဲ့သော ၎င်းကရှင်းပြသည်။
ဥပဒေကြမ်းနှစ်ခုပါ အချက်အလက်များသည် ပြည်ထောင်စု၏ အခွန်အကောက်ဆိုင်ရာ ဥပဒေပြဋ္ဌာန်းမှု မရှိသေးမီ ယင်းဥပဒေကို ကိုးကား၍ ပြဋ္ဌာန်းလာခြင်းကြောင့် အချို့သော အချက်များကို ဆွေးနွေးမှု ပြန်လည် ရုပ်သိမ်းခဲ့ရကြောင်း ဦးခင်မောင်ရီက ဆိုသည်။
“အကုန်လုံးကို ပယ်ချလိုက်တာပါ၊ အစည်းအဝေး ကြိုတင်ညှိနှိုင်းဖို့ အတွက်လည်း တစ်ခါမှ မဖိတ်ပါဘူး” ဟု ဥပဒေကြမ်းပါ အချက်များကို အဓိက တင်ပြဆွေးနွေးသူ ဒေါ်တင်နွယ်ဦးက ပြောကြားသည်။
လွှတ်တော်တွင် အခွန်နှင့် ပတ်သက်သော ကိစ္စများကို ကျွမ်းကျင်စွာ တင်ပြဆွေးနွေးသူများ စာရင်းတွင် ဒေါ်တင်နွယ်ဦး ပါဝင်ကြောင်း ပြည်သူ့လွှတ်တော် ကိုယ်စားလှယ် ဦးမင်းသူ (ဥတ္တရသီရိ မဲဆန္ဒနယ်) က ဆိုသည်။
“ဥပဒေက အတည်ဖြစ်သွားပါပြီ။ တိုင်းပြည်အတွက် စိတ်မကောင်းပါဘူး” ဟု ဒေါ်တင်နွယ်ဦးက ထပ်လောင်းပြောဆိုသည်။
အဆိုပါ ဥပဒေများကို ပြည်ထောင်စု အစိုးရအဖွဲ့ ကိုယ်စား ဘဏ္ဍာရေးဝန်ကြီးဌာနက ဇန်နဝါရီလအတွင်း တင်သွင်းခဲ့ခြင်း ဖြစ်ပြီး ယခုရက်ပိုင်းအတွင်း နိုင်ငံတော်သမ္မတ လက်မှတ် ရေးထိုးနိုင်ရန် ပေးပို့သွားမည် ဖြစ်ကြောင်း ပြည်ထောင်စု လွှတ်တော် နာယကက ကြေညာထားသည်။
from The Voice Weekly's Facebook Wall http://ift.tt/1g7Bl0S
နေပြည်တော်၊ မတ် ၁၁
မြန်မာ့အခွန်ကောက်ခံရေးစနစ် အသက်ပြန်သွင်းရန် အရေးကြီးသည့် ဥပဒေအဖြစ် ပညာရှင်အချို့ ထောက်ပြထားသော ကုန်သွယ် လုပ်ငန်းခွန် ဥပဒေကြမ်းနှင့် ဝင်ငွေခွန် ဥပဒေတို့ကို ပြည်ထောင်စု လွှတ်တော်အတွင်း ဆွေးနွေးရာတွင် လွှတ်တော် ကိုယ်စားလှယ်များ၏ တင်ပြချက်များကို ပယ်၍ အစိုးရက မူလရေးဆွဲထားသည့် ပြဋ္ဌာန်းချက်များ အတိုင်းသာ ပြည်ထောင်စုလွှတ်တော်က အတည်ပြု ဆုံးဖြတ်လိုက်သည်။
ယင်းဥပဒေ နှစ်ခုကို ယနေ့ (မတ်၁၁) ကျင်းပသော ပြည်ထောင်စု လွှတ်တော်တွင် အတည်ပြုလိုက်ခြင်း ဖြစ်သည်။
ဒဂုံမြို့သစ်မြောက်ပိုင်း မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်တင်နွယ်ဦး၊ ဧရာဝတီ အမှတ် (၆)မှ အမျိုးသားလွှတ်တော် ကိုယ်စားလှယ် ဦးခင်မောင်ရီနှင့် ပေါက်တော မဲဆန္ဒနယ်မှ အမျိုးသားလွှတ်တော် ကိုယ်စားလှယ် ဦးထွန်းအောင်ခိုင်တို့က ဥပဒေကြမ်း နှစ်ခုပါ ပြဋ္ဌာန်းချက်များကို ဖြည့်စွက်ရန်နှင့် ပြန်လည် ပြင်ဆင်ရန် အချက် ၂၀ ခန့် တင်ပြခဲ့သော်လည်း လွှတ်တော်က မူလပြဋ္ဌာန်းချက်များအတိုင်း အတည်ပြုခဲ့ကြောင်း ဥပဒေကြမ်း ကော်မတီ အတွင်းရေးမှူး ဦးစောလှထွန်းက ဆိုသည်။
“အခုပြင်ဆင်ဖို့ ပြောတဲ့သူတွေ့ရဲ့ တင်ပြချက်တွေထဲက တစ်ခုမှ အတည်မဖြစ်လိုက်ပါဘူး။ ဒါကိုလည်း လွှတ်တော်က အတည်ပြု ဆုံးဖြတ်လိုက်တာပါ” ဟု ၎င်းကဆိုသည်။
ယင်းဥပဒေပါ ပြဋ္ဌာန်းချက်များကို ပြင်ဆင်ရန် မူလက အကြိုညှိနှိုင်းထားရန် စီစဉ်ခဲ့ခြင်း ဖြစ်ပြီး ယနေ့ ပြင်ဆင်ရန် တင်ပြသည့် ကိုယ်စားလှယ်များသည် လာရောက် ညှိနှိုင်းခဲ့ခြင်း မရှိကြောင်း ရေဖြူမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဝင်းဦးက ပြောကြားသည်။
“သူတို့က လွှတ်တော်ထဲမှာပဲ ဆွေးနွေး တင်ပြမယ်ဆိုတယ်။ ပြင်ဆင်ချင်တဲ့ သူတွေ၊ ဝန်ကြီးဌာနနဲ့ ကော်မတီတွေ အကြိုညှိနှိုင်းကြတော့ သူတို့မပါကြဘူး” ဟု ညှိနှိုင်းသည့် အချိန်တွင် ပါဝင်ခဲ့သော ၎င်းကရှင်းပြသည်။
ဥပဒေကြမ်းနှစ်ခုပါ အချက်အလက်များသည် ပြည်ထောင်စု၏ အခွန်အကောက်ဆိုင်ရာ ဥပဒေပြဋ္ဌာန်းမှု မရှိသေးမီ ယင်းဥပဒေကို ကိုးကား၍ ပြဋ္ဌာန်းလာခြင်းကြောင့် အချို့သော အချက်များကို ဆွေးနွေးမှု ပြန်လည် ရုပ်သိမ်းခဲ့ရကြောင်း ဦးခင်မောင်ရီက ဆိုသည်။
“အကုန်လုံးကို ပယ်ချလိုက်တာပါ၊ အစည်းအဝေး ကြိုတင်ညှိနှိုင်းဖို့ အတွက်လည်း တစ်ခါမှ မဖိတ်ပါဘူး” ဟု ဥပဒေကြမ်းပါ အချက်များကို အဓိက တင်ပြဆွေးနွေးသူ ဒေါ်တင်နွယ်ဦးက ပြောကြားသည်။
လွှတ်တော်တွင် အခွန်နှင့် ပတ်သက်သော ကိစ္စများကို ကျွမ်းကျင်စွာ တင်ပြဆွေးနွေးသူများ စာရင်းတွင် ဒေါ်တင်နွယ်ဦး ပါဝင်ကြောင်း ပြည်သူ့လွှတ်တော် ကိုယ်စားလှယ် ဦးမင်းသူ (ဥတ္တရသီရိ မဲဆန္ဒနယ်) က ဆိုသည်။
“ဥပဒေက အတည်ဖြစ်သွားပါပြီ။ တိုင်းပြည်အတွက် စိတ်မကောင်းပါဘူး” ဟု ဒေါ်တင်နွယ်ဦးက ထပ်လောင်းပြောဆိုသည်။
အဆိုပါ ဥပဒေများကို ပြည်ထောင်စု အစိုးရအဖွဲ့ ကိုယ်စား ဘဏ္ဍာရေးဝန်ကြီးဌာနက ဇန်နဝါရီလအတွင်း တင်သွင်းခဲ့ခြင်း ဖြစ်ပြီး ယခုရက်ပိုင်းအတွင်း နိုင်ငံတော်သမ္မတ လက်မှတ် ရေးထိုးနိုင်ရန် ပေးပို့သွားမည် ဖြစ်ကြောင်း ပြည်ထောင်စု လွှတ်တော် နာယကက ကြေညာထားသည်။
from The Voice Weekly's Facebook Wall http://ift.tt/1g7Bl0S
Comments
Post a Comment