Air Asia လက်မှတ် အရောင်းဌာန လပြည့်ဝန်းပလာဇာသို့ ပြောင်းရွှေ့ဖွင့်
ရန်ကုန်၊ မတ် ၂၃
အာရှဒေသတွင်း နိုင်ငံများတွင် စရိတ်နည်း လေကြောင်းလိုင်း အဖြစ် ပြေးဆွဲလျက်ရှိသည့် Air Asia လေကြောင်းလိုင်း၏ လက်မှတ် အရောင်းဌာန ရုံးခန်း အသစ်ကို မတ်လ ၂၃ ရက်နေ့မှ စ၍ လပြည့်ဝန်း ပလာဇာသို့ ပြောင်းရွှေ့ ဖွင့်လှစ်လိုက်ကြောင်း အဆိုပါ Air Global Travel & Tours ကုမ္ပဏီထံမှ သိရသည်။
Air Asia လက်မှတ် အရောင်းဌာနကို ယခင်က ဆီဒိုးနားဟိုတယ်တွင် ဖွင့်လှစ်ထားရှိခဲ့ခြင်း ဖြစ်ပြီး ယခုအခါ လပြည့်ဝန်းပလာဇာသို့ ပြောင်းရွှေ့ ဖွင့်လှစ်ခြင်း ဖြစ်ကြောင်း Air Global Travel & Tours ကုမ္ပဏီထံမှ သိရသည်။
လိပ်စာအသစ်သို့ ပြောင်ရွှေ့ ဖွင့်လှစ်ခြင်း အထိမ်းအမှတ်အဖြစ် Air Asia က ရန်ကုန်မှ ဘန်ကောက်နှင့် ကွာလာလမ်ပူသို့ မတ်လ ၂၆ ရက်မှ ဇူလိုင်လ ၂၀ ရက်နေ့အတွင်း သွားရောက်မည့် ခရီးစဉ် တစ်ခေါက်လျှင် လက်မှတ်ခကို အမေရိကန်ဒေါ်လာ ၃၀ ဖြင့် စတင်၍ ရောင်းချပေးသွားမည် ဖြစ်ရာ မတ်လ ၂၅ ရက်နေ့ထိ ဝယ်ယူနိုင်မည် ဖြစ်ကြောင်း အဆိုပါ ကုမ္ပဏီ အုပ်ချုပ်မှု ဒါရိုက်တာ ဦးဝင်းတင်က ပြောကြားသည်။
အဆိုပါ နေရာအသစ်တွင် လေယာဉ်လက်မှတ် ရောင်းချခြင်း၊ လက်မှတ်ရက် ပြောင်းရွှေ့ခြင်း၊ ခရီးဆောင်အိတ် ကီလိုဝယ်ယူခြင်းနှင့် အစားအသောက် ကြိုတင် ဝယ်ယူခြင်းများကို တစ်နေရာတည်းတွင် ရရှိနိုင်မည် ဖြစ်ကြောင်း ထိုင်း Air Asia လေကြောင်းလိုင်း အမှုဆောင် အရာရှိချုပ် Mr.Tassapon Bijleveld က ဆိုသည်။
Air Asia လေကြောင်းလိုင်းသည် အာရှဒေသအတွင်း ဈေးနှုန်း အသက်သာဆုံး လေကြောင်းလိုင်း တစ်ခုအဖြစ် ဈေးသက်သာသည့် လေကြောင်းလိုင်းများကို မှတ်တမ်းတင်သည့် Skytrax ၏ ၅ နှစ်ဆက် (၂၀၀၉မှ ၂၀၁၃ ထိ) ဦးဆောင်နေပြီး ယင်းလေကြောင်းလိုင်းသည် အာဆီယံ လေကြောင်းလိုင်း တစ်ခုဖြစ်ပြီး မလေးရှား၊ အင်ဒိုနီးရှား၊ ဖိလစ်ပိုင်နှင့် ထိုင်းနိုင်ငံတို့တွင် အခြေစိုက်၍ အရှေ့တောင်အာရှ နိုင်ငံများနှင့် အာရှနိုင်ငံများသို့ ပျံသန်း ပြေးဆွဲလျက် ရှိသည်။
from The Voice Weekly's Facebook Wall http://ift.tt/1jl5uBQ
Comments
Post a Comment